ا ە س جونىندەگى رەفەرەندۋم قاي مەزگىلدە وتەدى - مينيسترلىك جاۋابى

Қазақстанға 3 АЭС керек – Сергей Агафонов
Фото: storage.googleapis.com

استانا. KAZINFORM - ەنەرگەتيكا ۆيتسە-ءمينيسترى سۇڭعات ەسىمحانوۆقا ورتالىق كوممۋنيكاتسيالار قىزمەتىندە وتكەن بريفينگىدە ا ە س جونىندەگى رەفەرەندۋم قاي مەزگىلدە وتەتىنىن ايتتى.

«ا ە س سالۋ جونىندەگى رەفەرەندۋم 2024-جىلى وتەدى دەگەن ۋادە بەرىلگەن ەدى. جىلدىڭ ءتورتىنشى ايىنا اياق باسساق تا، ءالى باستالاتىن ءتۇرى جوق. قاي مەزگىلدە رەفەرەندۋم ءوتۋى مۇمكىن جانە رەفەرەندۋمدا حالىققا نەشە سۇراق قويىلادى؟» - دەپ سۇرادى جۋرناليست.

سۇڭعات ەسىمحانوۆ رەفەرەندۋم تاعايىنداۋ ەنەرگەتيكا مينيسترلىگىنىڭ قۇزىرىنان تىس ماسەلە ەكەنىن ەسكە سالدى.

«رەفەرەندۋمنىڭ قاي كۇنى وتەتىنىن مەملەكەت پەن ۇكىمەت باسشىلىعى شەشەتىن شىعار. قازىر ەنەرگەتيكا مينيسترلىگى وزىنە تيەسىلى جۇمىستاردى «سامۇرىق قازىنا» كومپانياسىنداعى ارىپتەستەرمەن بىرگە اتقارىپ جاتىر. بۇل - نەگىزىنەن ءتۇسىندىرۋ جۇمىستارى. وڭىرلەردە دە جۇمىس جۇرگىزىلىپ جاتىر. ناقتى داتاسىن، رەفەرەندۋم ساۋالدارىنىڭ مازمۇنى قانداي بولاتىنىن ۇكىمەت باسشىلىعى انىقتايتىن شىعار. ەشتەڭە ايتا المايمىن. كۇزدە بولا ما، جازدا بولا ما، قىستا بولا ما، ونى ءازىر ايتا المايمىن»، - دەدى ۆيتسە-مينيستر.

سوڭعى جاڭالىقتار