ا ق ش ۆيتسە-پرەزيدەنتى كامالا حارريس دجو بايدەندى الماستىرۋعا دايىن

استانا. KAZINFORM - امەريكا قۇراما شتاتتارىنىڭ ۆيتسە-پرەزيدەنتى كامالا حارريس دۇيسەنبى، 12- اقپاندا امەريكالىق The Wall Street Journal گازەتىنە بەرگەن سۇحباتىندا قاجەتتىلىك تۋىنداسا ا ق ش پرەزيدەنتى قىزمەتىن اتقارۋعا دايىن ەكەنىن مالىمدەدى، دەپ حابارلايدى DW.

«مەن قىزمەت ەتۋگە دايىنمىن. بۇعان ەش كۇمان جوق»، - دەدى ول سايلاۋشىلاردىڭ ا ق ش- تىڭ قازىرگى پرەزيدەنتى دجو بايدەننىڭ جاسىنا قاتىستى الاڭداۋشىلىعىنا وراي تۇسىنىك بەرىپ.

حارريستىڭ ايتۋىنشا، ونى جۇمىستا كورگەن كەز كەلگەن ادام كوشباسشىلىق قابىلەتىن تۇسىنەدى.

گازەتتىڭ ا ق ش- تىڭ دەموكراتيالىق پارتياسىنداعى دەرەككوزىنە سىلتەمە جاساپ جازۋىنشا، دەموكراتتار الداعى پرەزيدەنت سايلاۋىندا بايدەندى باسقا كانديداتپەن الماستىرۋ جونىندە ءسوز قوزعاپ جاتقان جوق.

بۇدان باسقا، WSJ اتاپ وتكەندەي، پرايمەريزگە قاتىسۋ ءۇشىن قۇجات تاپسىرۋ مەرزىمى ءوتىپ كەتكەن.

ەگەر 81 جاستاعى دجو بايدەن قانداي دا ءبىر سەبەپتەرمەن بيىلعى سايلاۋدان باس تارتۋعا شەشىم قابىلداسا، ۆيتسە-پرەزيدەنت كامالا حارريس تامىز ايىندا وتەتىن دەموكراتيالىق پارتيانىڭ ۇلتتىق كونۆەنتسياسىندا ونىڭ ورنىنا كەلۋ ءۇشىن دەموكراتيالىق دەلەگاتتاردىڭ كوپشىلىگىنىڭ قولداۋىنا يە بولۋى كەرەك.

ەگەر پرەزيدەنت قۇرىلتايدان كەيىن ءوز كانديداتۋراسىن الىپ تاستاسا، ونىڭ سايلاۋداعى مۇراگەرىن دەموكراتيالىق ۇلتتىق كوميتەت انىقتايدى، دەپ حابارلايدى WSJ.