ا ق ش يەمەندەگى حۋسيتتەردى لاڭكەستىك ۇيىم رەتىندە قايتا تانىدى
استانا. KAZINFORM - دجو بايدەن بيلىككە كەلگەننەن كەيىن حۋسيتتەر ا ق ش- تىڭ «شەتەلدىك تەرروريستىك ۇيىمدار» تىزىمىنەن شىعارىلدى، دەپ حابارلايدى bbc.

دونالد ترامپ «انسار اللاح» (يەمەننىڭ كوپ بولىگىن باقىلايتىن حۋسيتتەر) توبىن تەرروريستىك ۇيىم رەتىندە قايتا تانۋ پروتسەسىن باستاۋ تۋرالى جارلىققا قول قويدى.
- حۋسيتتەردىڭ ارەكەتتەرى تاياۋ شىعىستاعى امەريكالىق بەيبىت تۇرعىندار مەن قىزمەتكەرلەردىڭ قاۋىپسىزدىگىنە، ەڭ جاقىن ايماقتىق سەرىكتەستەرىمىزدىڭ قاۋىپسىزدىگىنە جانە جاھاندىق تەڭىز ساۋداسىنىڭ تۇراقتىلىعىنا ءقاۋىپ توندىرەدى، - دەلىنگەن قۇجاتتا.
دجو بايدەن 2021 -جىلى پرەزيدەنت بولىپ سايلانعان سوڭ حۋسيتتەر ا ق ش- تىڭ «شەتەلدىك تەرروريستىك ۇيىمدار» (FTO) تىزىمىنەن شىعارىلدى.
2023 -جىلدىڭ قازان ايىندا حاماس- تىڭ يزرايلگە جاساعان شابۋىلىنان كەيىن حۋسيتتەر حالىقارالىق كەمە قاتىناسى مەن يزرايل اۋماعىنا شابۋىل جاساي باستاعاندا، اق ءۇي ولاردى «جاھاندىق بەلسەندى تەرروريستىك ۇيىم» تىزىمىنە قايتا قوستى.
ترامپ جارلىعىندا يراندى قولدايتىن حۋسيتتەر 2023 -جىلدان بەرى ا ق ش اسكەري كەمەلەرىنە ونداعان سنارياد جاۋدىردى. سونىمەن قاتار ءباا اۋەجايلارىن قوسا ازاماتتىق ينفراقۇرىلىمعا شابۋىل جاساعانى جانە يزرايلگە 300 دەن استام سنارياد اتقىلاعانى ايتىلعان.
- حۋسيتتەر سونداي- اق باب- ەل- ماندەب بۇعازى ارقىلى وتەتىن كوممەرتسيالىق كەمەلەرگە 100 دەن اسا شابۋىل جاساپ، سالدارىنان كەم دەگەندە 4 ادام قازا تاپتى. ال قىزىل تەڭىزدەگى كەيبىر كوممەرتسيالىق تاسىمالداۋشىلار باعىتتى وزگەرتۋگە ءماجبۇر بولدى. بۇل جاھاندىق ينفلياتسيانىڭ وسۋىنە ىقپال ەتتى، - دەلىنگەن قۇجاتتا.