ا ق ش يەمەندە ۇشقىشسىز ۇشاقتارعا سوققى بەردى
استانا. KAZINFORM-امەريكالىق اسكەري ۇشاق يراننىڭ تاعى ءۇش ۇشاعى مەن بالليستيكالىق زىمىرانىن اتىپ ءتۇسىردى. بۇل تۋرالى «امەريكا داۋىسى» حابارلادى.
ا ق ش يەمەن ۇشىرۋعا دايىنداپ جاتقان 10 ۇشاقتى جويىپ جىبەردى. بۇل سوققىلار گازا سەكتورىنداعى قاقتىعىس ايماققا تاراپ جاتقان شيەلەنىس كەزىندە جاسالدى.
«ا ق ش اسكەري-تەڭىز كۇشتەرىنىڭ كەمەسى ادەن شىعاناعىندا يراننىڭ ءۇش ۇشقىشسىز ۇشاعىن جانە حۋسيتتەردىڭ كەمەگە قارسى بالليستيكالىق زىمىرانىن اتىپ ءتۇسىردى»، - دەپ حابارلادى ا ق ش ورتالىق قولباسشىلىعى.
قۇربان بولعاندار مەن قيراۋ تۋرالى اقپارات تۇسكەن جوق.
بۇعان دەيىن حۋسيتتەر اسكەري-تەڭىز كۇشتەرىنىڭ ا ق ش- تىڭ گريەۆلي ەسمينەتسىنە زىمىران شابۋىلىنان كەيىن ادەن شىعاناعىندا «امەريكالىق ساۋدا كەمەسىنە» قارسى وپەراتسيا جۇرگىزگەنىن حابارلاعان.
حۋسيتتەردىڭ قىزىل تەڭىزدەگى جانە ونىڭ اينالاسىنداعى جۇك تاسىمالىنا جاساعان شابۋىلى ازيا مەن ەۋروپا اراسىنداعى ساۋدانى باسەڭدەتىپ، تاۋار جەتكىزىلىمىن قيىنداتتى. بۇل شابۋىلدار گازا سەكتورىنداعى سوعىس ايماقتىق قاقتىعىسقا ۇلاسۋى مۇمكىن دەپ قاۋىپتەنگەن ءىرى دەرجاۆالاردى دا الاڭداتىپ وتىر.
