ا ق ش USAID باعدارلاماسىنىڭ 83 پايىز جابادى: ۋكراينا مەن وزگە ەلدەردىڭ تاعدىرى قالاي بولماق

استانا. KAZINFORM - ا ق ش-تىڭ مەملەكەتتىك حاتشىسى ماركو رۋبيو X الەۋمەتتىك جەلىسىندە ا ق ش-تىڭ حالىقارالىق دامىتۋ جونىندەگى (USAID) اگەنتتىگىنىڭ جۇمىسىن قورىتىندىلاۋ بارىسىندا %83 باعدارلامانى توقتاتۋ جونىندە شەشىمگە كەلگەنىن جازدى. قالعان بولىگى مەملەكەتتىك دەپارتامەنت قۇرامىنا كىرەتىنى ايتىلعان. بۇل تۋرالى BBC جازدى.

USAID بەرگەن مالىمەتكە ساي، رەسەيدىڭ 2022 -جىلدىڭ اقپان ايىنداعى ۋكرايناعا العاشقى سوققىسىنان باستاپ، ۋكراين حالقىنا 2,6 ميلليارد دوللار بولاتىن گۋمانيتارلىق كومەك جونەلتىلسە، 5 ميلليارد دوللار دامۋىنا، 30 ميلليارد دوللار تىكەلەي بيۋدجەتىن قولداۋ ماقساتىندا جۇمسالعان.

بۇل قاراجات قونىس اۋدارۋشىلارعا سونداي-اق ماڭىزدى قىزمەت اتقاراتىن مەملەكەتتىك قىزمەتشىلەردىڭ ەڭبەكاقىسىنا تولەنگەن.

2024 -جىلى USAID ۋكراينانىڭ اتىستان كەيىن بۇلىنگەن ينفراسترۋكتۋراسىن قالپىنا كەلتىرۋگە جانە مەملەكەتتىك قىزمەتكە قولداۋ كورسەتۋ ماقساتىندا 522 ميلليون دوللار بەرگەن.

USAID اگەنتتىگىنىڭ سايتىندا ا ق ش قارجىلاندىرعان ۋكرايندىق ونداعان جوبا بار. وندا مەديتسينادان باستاپ ءبىلىم سونداي-اق ەنەرگەتيكا، ب ا ق-قا قولداۋ كورسەتىلگەنى ايتىلادى.

USAID-تىڭ كومەگىن ەندى وزگە ەلدەر الماستىرۋى مۇمكىن. ماسەلەن، JICA جاپوندىق حالىقارالىق ارىپتەستىك اگەنتتىگى ۋكراينانىڭ ەنەرگەتيكا مەن ينفراسترۋكتۋراسىن قارجىلاندىرۋ جونىندە مۇمكىندىكتەردى قاراستىرىپ جاتقانى بەلگىلى بولدى.

ەسكە سالا كەتەيىك، ترامپ ا ق ش پەن ۋكراينا اراسىندا بارلاۋ اقپاراتىن الماسۋ قايتا جاندانعانىن مالىمدەگەنىن جازعان بولاتىنبىز.