ا ق ش-تىڭ قازاقستانداعى ەلشىلىگى شاتداۋنعا بايلانىستى مالىمدەمە جاسادى
استانا. قازاقپارات - 2025 -جىلعى 1-قازاندا ا ق ش-تىڭ قازاقستانداعى ديپلوماتيالىق ميسسياسى شتاتتارداعى فەدەرالدىق بيلىك ورگاندارىنىڭ جۇمىسىنىڭ ۋاقىتشا توقتاتىلۋىنا بايلانىستى مالىمدەمە جاسادى.
ەلشىلىكتىڭ Instagram پاراقشاسىندا مىناداي اقپارات جاريالاندى.
- قارجىلاندىرۋدىڭ ۋاقىتشا توقتاۋىنا بايلانىستى بۇل اككاۋنتتا تولىق جۇمىس قايتا باستالعانعا دەيىن جاڭارتۋلار جۇيەلى تۇردە جاريالانبايدى. تەك شۇعىل قاۋىپسىزدىك پەن قورعانىسقا قاتىستى اقپارات قانا جاريالانادى.
قازىر ا ق ش-تا جانە شەتەلدەگى ا ق ش ەلشىلىكتەرى مەن كونسۋلدىقتاردا ءتولقۇجات بەرۋ جانە ترانزيت ۆيزا بويىنشا جوسپارلانعان قىزمەتتەر جاعداي مۇمكىندىك بەرگەنگە دەيىن جالعاسادى.
قارجىلاندىرۋ تولىق قالپىنا كەلگەنگە دەيىن بۇل اككاۋنت جاڭارتىلمايدى، تەك شۇعىل قاۋىپسىزدىك پەن قورعانىسقا قاتىستى اقپارات قانا جاريالانادى. قىزمەتتەرىمىز بەن جۇمىس ءتارتىبى تۋرالى اقپاراتتى trevel.state.gov سايتىنان تابا الاسىزدار، - دەلىنگەن حابارلامادا.
ايتا كەتەلىك ا ق ش ۇكىمەتى جۇمىسىن ءىشىنارا توقتاتادى.
