ا ق ش-تىڭ 5 شتاتىندا توتەنشە جاعداي جاريالاندى

استانا. KAZINFORM - ا ق ش-تىڭ كەنتۋككي، ۆيردجينيا، كانزاس، اركانزاس جانە ميسسۋري شتاتتارىندا قالىڭ قار، كوكتايعاق، قاتتى جاڭبىر مەن نايزاعايدىڭ سالدارىنان توتەنشە جاعداي جاريالاندى. بۇل تۋرالى انادولى جازدى.

اۋا رايىنىڭ قولايسىزدىعى تۋرالى ەسكەرتۋلەر ا ق ش-تىڭ ءارتۇرلى شتاتتارىندا تاراتىلىپ جاتىر. 30 شتاتتا داۋىل بولادى، ازاماتتارعا ۇيدە بولۋعا كەڭەس بەرىلدى.

ەل بويىنشا 1500 گە جۋىق رەيس توقتاتىلىپ، 2000 رەيس كەيىنگە قالدىرىلدى. سونىمەن قاتار بىرنەشە پويىز رەيسى توقتاتىلدى.

كەنتۋككي، ۆيردجينيا، كانزاس، اركانزاس جانە ميسسۋري شتاتتارىندا توتەنشە جاعداي جاريالاندى.

ا ق ش ۇلتتىق مۇحيت جانە اتموسفەرالىق باسقارماسىنىڭ (NOAA) مالىمەتىنشە، «كەيىنگى 10 جىلداعى ەڭ قالىڭ قار جاۋادى» دەپ كۇتىلىپ وتىر.

بۇعان دەيىن ا ق ش-قا سوڭعى ونجىلدىقتاعى ەڭ قاتتى بوران سوعۋى مۇمكىن ەكەنىن جازعان ەدىك.

اۆتور

جاراسقان نۇرىبايەۆ