ا ق ش ترانسگەندەرلەردى اسكەردەن بوساتپاق
استانا. KAZINFORM - ا ق ش ارمياسىندا ترانسگەندەرلەر 30 كۇن ىشىندە قىزمەتتەن بوساتىلادى، دەپ حابارلايدى CBS News.
بۇل تۋرالى پرەزيدەنت ترامپتىڭ ترانسگەندەرلەرگە اسكەري قىزمەت اتقارۋعا تىيىم سالۋ تۋرالى بۇيرىعىنا قارسى سوت ءىسى اياسىندا جاريالانعان پەنتاگون قىزمەتتىك حاتىندا ايتىلعان، دەپ جازدى CBS جاڭالىقتار ءبولىمى.
- گەندەرلىك ديسفوريا دياگنوزى نەمەسە انامنەزىندە، سونداي-اق سوعان سايكەس بەلگىلەرى بار اسكەري قىزمەتشىلەر اسكەري قىزمەتتەن بوساتىلادى، - دەلىنگەن قۇجاتتا.
بۇل رەتتە اسكەري قىزمەتشىنىڭ مەملەكەت مۇددەسىنە بايلانىستى قىزمەتتە قالدىرىلۋى مۇمكىن ەكەنىن ايتا كەتكەن ءجون.
مۇنداي ەرەكشەلىككە سايكەس بولۋ ءۇشىن اسكەري قىزمەتشىلەر ەشقاشان جىنىسىن وزگەرتۋگە ارەكەت جاساماعانىن دالەلدەۋگە، سونداي-اق «الەۋمەتتىك، كاسىپتىك نەمەسە قىزمەتتىڭ باسقا ماڭىزدى سالالارىندا كلينيكالىق ماڭىزدى كۇيزەلىسسىز نەمەسە بۇزىلۋلارسىز بيولوگيالىق جىنىسىندا 36-اي قاتارىنان تۇراقتىلىقتى» كورسەتۋى ءتيىس.
ا ق ش- تىڭ بەلسەندى اسكەري قىزمەتكەرلەرىنىڭ اراسىندا 15 مىڭعا جۋىق ترانسگەندەر بار دەپ شامالانىپ وتىر.
بۇعان دەيىن ا ق ش پرەزيدەنتى ترانسگەندەر سپورتشىلارعا ايەلدەر اراسىنداعى سپورتتىق جارىستارعا قاتىسۋعا تىيىم سالاتىن جارلىققا قول قويدى.
