ا ق ش تاياۋ شىعىستىڭ ەنەرگەتيكا نىساندارىن قالپىنا كەلتىرۋگە $5 ميلليارد جۇمساماق
استانا. KAZINFORM - ترامپ اكىمشىلىگى تاياۋ شىعىس ەلدەرىنە يرانمەن سوعىس كەزىندە زاقىمدالعان ەنەرگەتيكا ينفراقۇرىلىمدارىن قالپىنا كەلتىرۋگە كومەكتەسەتىن جاڭا قورعا 5 ميلليارد دوللار ينۆەستيتسيا سالۋدى ۇسىندى، دەپ حابارلايدى Reuters.
اگەنتتىكتىڭ The Wall Street Journal باسىلىمىنا سىلتەمە جاساي وتىرىپ حابارلاۋىنشا، ارناۋلى قور ايماق ەلدەرىنىڭ مۇناي مەن گاز تاسىمالداۋداعى ورمۋز بۇعازىنا تاۋەلدىلىگىن ازايتۋعا دا جاردەمدەسەدى.
WSJ حابارلاۋىنشا، ۇسىنىس اياسىندا ا ق ش 5 ميلليارد دوللار ينۆەستيتسيا سالادى. باسىلىم بۇل جونىندە ا ق ش جانە تاياۋ شىعىس ەلدەرىنىڭ شەنەۋنىكتەرىنەن، سونداي-اق قۇجاتتارعا سىلتەمە جاسايدى.
ال Reuters بۇل اقپاراتتى دەربەس تۇردە راستاي الماعانىن ەسكەرتەدى.
ەسكە سالا كەتەيىك، تەگەران ۆاشينگتونعا اسكەري تەكەتىرەستىڭ ودان ءارى ءورشۋى مۇمكىن ەكەنىن ەسكەرتكەن بولاتىن.
