ا ق ش-تان دەپورتاتسيالاناتىن ادامداردىڭ سانى بەلگىسىز - س ءى م
استانا. KAZINFORM - سىرتقى ىستەر ءمينيسترىنىڭ ورىنباسارى الىبەك باقايەۆ ا ق ش-تا زاڭسىز جۇرگەن قازاقستان ازاماتتارىنا قاتىستى پىكىر ايتتى.
- بۇل ماسەلە ا ق ش-تىڭ ساياساتىنا قاتىستى. سوندىقتان ا ق ش-تىڭ ميگراتسيالىق زاڭىن بۇزعان قازاقستان ازاماتتارى مىندەتتى تۇردە ەلىمىزگە قايتارىلادى. ولاردىڭ سانىن ءدال قازىر ايتا المايمىن. بۇل تۇرعىدا اقپارات الماسۋ ءجۇرىپ جاتىر. ناقتى دەرەكتەر بولسا، جاريالانادى. اتاپ ايتقاندا، ادامدار بويىنشا ەسەپ بولۋى مۇمكىن، ءبىراق ناقتى سان جوق. ياعني كىم جانە قاشان قانداي دەپورتاتسياعا جاتاتىنى تۋرالى دەرەك بولماي تۇر، - دەدى الىبەك باقايەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
ەسكە سالساق، بىلتىر ا ق ش-تا دەپورتاتسياعا جاتاتىن ميگرانتتاردىڭ اراسىندا 369 قازاقستاندىق تۋرالى اقپارات تاراعان.
بيىل قاڭتار ايىندا ا ق ش-تاعى ميگراتسيالىق ساياساتتىڭ قاتاڭداتىلۋىنا بايلانىستى قازاقستان ەلشىلىگى شەتەلدە قۇجاتسىز، ۆيزاسىز جۇرگەن قازاقستاندىقتارعا ەسكەرتۋ جاسادى.
ق ر سىرتقى ىستەر مينيسترلىگى قازاقستان ازاماتتارى ا ق ش-تان ەمىن-ەركىن شىعا الاتىنىن مالىمدەدى.
اۆتور
رۋسلان عابباسوۆ
