ا ق ش- تاعى سۋىر كۇنى: فيل كوكتەمنىڭ كەش كەلەتىنىن بولجادى
استانا. KAZINFORM - ا ق ش- تىڭ پەنسيلۆانيا شتاتىنداعى پانكسسۋتاۋنيدە جىل سايىنعى سۋىر كۇنى اتالىپ ءوتتى جانە بولجام كوڭىل كونشىتپەيدى. سۋىر فيل تاعى ءبىر جارىم اي سالقىن جەل تۇراتىنىن بولجادى، دەپ حابارلايدى BBC.

بولجام كەمىرگىشپەن ارنايى تاياقشانىڭ كومەگىمەن سويلەسە الاتىن سۋىرلار كلۋبىنىڭ پرەزيدەنتى توم دانكەلگە «سۋىر اڭگىمەسى» دەپ اتالاتىن ارنايى ديالەكتپەن جەتكىزىلدى.
سۋىر كۇنىن تويلاۋ ءداستۇرى 1886 - جىلى ول پەنسيلۆانيادا رەسمي تۇردە تانىلعان كەزدە پايدا بولعان دەپ سانالادى. پانكسۋتاۋني سۋىر كلۋبى ءبىر جىلدان كەيىن قۇرىلدى جانە العاشقى رەسمي بولجام سول كەزدە جاسالدى.
بولجام بىلاي جۇمىس ىستەيدى: ەگەر فيل ەسىمدى سۋىر تاڭەرتەڭ شۇڭقىرىنان شىعىپ، ءوز كولەڭكەسىن كورسە، بۇل تاعى التى اپتا جەلدى اۋا رايى بولاتىنىن، ال ەگەر كورمەسە، كوكتەم ەرتە كەلەتىنىن بىلدىرەدى.
ءىس- شارانىڭ تانىمالدىعى ارتىپ كەلەدى. فيلدىڭ ءوز بولجامدارىن جاساعانىن كورۋ ءۇشىن پانكسسۋتاۋنيگە 30 مىڭعا دەيىن ادام جينالادى.