ا ق ش-تاعى سايلاۋ: بايدەن دەمالىس كۇندەرى كانديداتتىقتان باس تارتۋى مۇمكىن

استانا. KAZINFORM - ا ق ش پرەزيدەنتى دجو بايدەن الداعى دەمالىس كۇندەرى كونگرەسس باسشىلارى تاراپىنان جاسالعان قىسىمنىڭ ارتۋىنا بايلانىستى پرەزيدەنتتىك جارىستان شىعۋى مۇمكىن، دەپ حابارلادى دەموكراتيالىق پارتيانىڭ جەتەكشى مۇشەلەرى Axios-قا.

دەموكراتتار، سونداي-اق، بايدەن پرەزيدەنتتىك باسەكەدەن باس تارتپاسا، پارتيا كونگرەستەگى كوپشىلىك داۋىسىن جوعالتادى، ال دونالد ترامپتىڭ جەڭىسى بايدەن اكىمشىلىگىنىڭ بارلىق جەتىستىكتەرىن جوققا شىعارادى دەپ قاۋىپتەنەدى.

Axios اقپارات كوزدەرىنىڭ حابارلاۋىنشا، ەڭ ىقتيمال سەناري - بايدەننىڭ پرەزيدەنتتىك باسەكەدەن كەتۋى، ال ونىڭ ورنىنا ا ق ش ۆيتسە-پرەزيدەنتى كامالا حارريس كەلەدى.

الدىڭعى كۇنى اق ءۇيدىڭ باسپا ءسوز حاتشىسى كارين جان-پەر بايدەنگە كوروناۆيرۋستى قايتا جۇقتىرۋ دياگنوزى قويىلعانىن حابارلادى.

مەملەكەت باسشىسى ءوزىن-ءوزى وقشاۋلاۋ ءۇشىن دەلاۆەردەگى ۇيىنە باردى، ءبىراق بارلىق مىندەتتەرىن قاشىقتان ورىندايدى.

New York Times-تىڭ حابارلاۋىنشا، دەموكراتيالىق پارتيانىڭ نەگىزگى دونورلارى بايدەن سايلاۋدان باس تارتقانشا، پرەزيدەنتتىك ناۋقانعا 90 ميلليون دوللارعا جۋىق قايىرىمدىلىق كومەكتەرىن توقتاتقان.

اۆتور
ەركەجان سماعۇلوۆا