ا ق ش-تا زاڭسىز جۇرگەن قازاقستان ازاماتتارىنىڭ سانى بەلگىلى - ەرمۇحامبەت قونىسپايەۆ

استانا. KAZINFORM - ق ر سىرتقى ىستەر ءمينيسترىنىڭ ورىنباسارى ەرمۇحامبەت قونىسپايەۆ ا ق ش-تا زاڭسىز جۇرگەن قازاقستان ازاماتتارىنا قاتىستى پىكىر ايتتى.

МИД РК ҚР СІМ зима қыс
فوتو: اگيباي اياپبەرگەنوۆ/ Kazinform

ونىڭ ايتۋىنشا، ا ق ش شەكاراسىندا زاڭسىز ميگرانتتاردى قونىستاندىراتىن لاگەرلەردە قازاقستان ازاماتتارى جوق.

- ۆاشينگتونداعى قازاقستان ەلشىلىگى جانە باسقا دا كونسۋلدىق مەكەمەلەر ا ق ش-تاعى ازاماتتارعا قاتىستى تۇراقتى ەسەپ جۇرگىزىپ تۇرادى. جاقىندا ءبىزدىڭ ەلشىلىك ا ق ش-تىڭ كوشى-قون ساياساتى بويىنشا مالىمدەمە جاسادى. ياعني، اتالعان ەلدە زاڭسىز جۇرگەن ادامدارعا ءتيىستى شارا قولدانىلماق. ءدال قازىر زاڭسىز جۇرگەن ادامداردىڭ ناقتى سانىن ايتا المايمىن. ءبىراق ولاردىڭ بارلىعىنا ەسكەرتۋ جولداندى. شامامەن قانشا ادام زاڭسىز جۇرگەنى تۋرالى اقپارات بىزدە بار. سىرتقى ىستەر مينيسترلىگىنە ساۋال جولداساڭىزدار، ولاردىڭ سانىنا قاتىستى ناقتى مالىمەت بەرەمىز، - دەدى ە. قونىسپايەۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

ەسكە سالساق، بىلتىر ا ق ش-تا دەپورتاتسياعا جاتاتىن ميگرانتتاردىڭ اراسىندا 369 قازاقستاندىق تۋرالى اقپارات تاراعان.

تاياۋدا ا ق ش-تاعى ميگراتسيالىق ساياساتتىڭ قاتاڭداتىلۋىنا بايلانىستى قازاقستان ەلشىلىگى شەتەلدە قۇجاتسىز، ۆيزاسىز جۇرگەن قازاقستاندىقتارعا ەسكەرتۋ جاسادى.

ق ر سىرتقى ىستەر مينيسترلىگى قازاقستان ازاماتتارى ا ق ش-تان ەمىن-ەركىن شىعا الاتىنىن مالىمدەدى.

اۆتور

رۋسلان عابباسوۆ

سوڭعى جاڭالىقتار