ا ق ش- تا ورمان ورتىنە بايلانىستى توتەنشە جاعداي جاريالاندى

استانا. KAZINFORM - وڭتۇستىك كارولينا گۋبەرناتورى قۇرعاق كۇن رايى مەن ەكپىندى جەل سالدارىنان بولعان 175 تەن استام ءورت وقيعاسىنا بايلانىستى توتەنشە جاعداي جاريالادى، دەپ حابارلايدى NBC News.

وڭتۇستىك كارولينا شتاتى ورمان شارۋاشىلىعىنىڭ ەسەبىنە سايكەس، ورري وكرۋگىندەگى ءورت جەكسەنبىدە 1600 ا ك ر (647 گ ا) جەردى شارپىعان، بۇل سەگىز ايماقتىڭ تۇرعىندارىن ەۆاكۋاتسيالاۋعا ءماجبۇر ەتتى.

شتات بويىنشا، سونىڭ ىشىندە سپارتانبەرگ، يۋنيون، وكونە جانە پيككەنس وكرۋگتەرىندە 4200 ا ك ر (1699 گ ا) جەرى ورتەنىپ كەتكەن.

ءورتتى سوندىرۋگە وڭتۇستىك كارولينا ورمان شارۋاشىلىعىنىڭ شامامەن 410 قىزمەتكەرى، كەم دەگەندە 128 ءورت ءسوندىرۋ كولىگى، سونداي-اق وڭتۇستىك كارولينا ۇلتتىق گۆاردياسىنىڭ اسكەرى جانە ەكى «Blackhawk» تىكۇشاعى جۇمىلدىرىلعان.

شتاتتاعى قىزىل كرەست ۇيىمىنىڭ حابارلاۋىنشا، شامامەن 135 تۇرعىن وكرۋگتىك دەمالىس ورتالىعى مەن شىركەۋدى پانالادى.