ا ق ش- تا تورنادو مەن داۋىل سالدارىنان 15 ادام قازا تاپتى
استانا. KAZINFORM – ا ق ش- تىڭ ورتالىق بولىگىن شارپىعان تورنادو مەن داۋىلدان كەم دەگەندە 15 ادام قازا تاۋىپ، ۇيلەردى قيراتىپ، ءجۇز مىڭداعان ادام جارىقسىز قالدى، دەپ جازادى BBC.
تەحاستىڭ سولتۇستىگىندە جەتى ادام، اركانزاستا بەس ادام، وكلاحومادا ەكى جانە كەنتۋككيدە ءبىر ادام قايتىس بولدى. جەكسەنبى كۇنى بىرنەشە شتاتتا كەيبىر تۇرعىندار جاراقات الىپ، 500 مىڭعا جۋىق ادام ەلەكتر قۋاتىنسىز قالدى.
تەحاس شتاتىنىڭ كۋك وكرۋگىنىڭ شەريفى رەي ساپپينگتون وكرۋگتە قايتىس بولعاندار اراسىندا 2 جانە 5 جاستاعى ەكى بالا جانە ءبىر وتباسىنىڭ ءۇش مۇشەسى بولعانىن ايتتى.
تورنادو جۇك كولىكتەرىن اۋدارىپ جىبەردى، داللاس ماڭىنداعى تاس جولدى جاۋىپ تاستادى جانە ايماقتا ون مىڭداعان ادام جارىقسىز قالدى.
جەكسەنبىدە داۋىل جۇيەسى شىعىسقا قاراي جىلجىپ، ونىڭ جولىنداعى ايماقتارعا قاتتى جەل مەن بۇرشاق بولاتىنى ەسكەرتىلدى.
ايتا كەتەيىك، وسى كوكتەمدە ا ق ش- تىڭ ورتالىق شتاتتارىندا ونداعان تورنادو بولدى، ونىڭ بارىسىندا وكلاحومادا ءتورت ادام، ال ايوۆادا بەسىنشى ادام جاراقاتتان قايتىس بولدى.
