ا ق ش- تا ترامپتى ولتىرۋگە تاپسىرىس بەردى دەگەن كۇدىكپەن پاكىستان ازاماتى ۇستالدى

استانا. KAZINFORM – ا ق ش بيلىگى امەريكالىق ساياساتكەرلەرگە، ونىڭ ىشىندە رەسپۋبليكالىق پارتيادان پرەزيدەنتتىككە ۇمىتكەر دونالد ترامپقا قاستاندىق جاسادى دەگەن كۇدىكپەن پاكىستان ازاماتى اسيفە مەرچانتەنى قاماۋعا الدى، دەپ جازادى CNN.

CNN- ءنىڭ حابارلاۋىنشا، جاريالانعان سوت قۇجاتتارىنا سايكەس، ادىلەت مينيسترلىگى يران ۇكىمەتىمەن بايلانىسى بار دەگەن كۇدىكپەن پاكىستان ازاماتىنا بيىلعى تامىزدىڭ سوڭى نەمەسە قىركۇيەك ايىنىڭ باسىندا ساياسي قاستاندىق جاساماق بولدى دەگەن ايىپ تاقتى.

— 46 جاستاعى اسيف مەرچانت نيۋ- يورككە باردى جانە برۋكليندە (نيۋ-يورك) فەدەرالدى پروكۋرورلار تاققان ايىپتارعا سايكەس، تامىزدىڭ اياعىندا نەمەسە قىركۇيەكتىڭ باسىندا كىسى ءولتىرۋ ءۇشىن ونى ورىنداۋشىمەن بىرلەسىپ جۇمىس ىستەدى دەپ ايىپتالدى، - دەپ حابارلايدى CNN.

پروكۋرورلاردىڭ ايتۋىنشا، مەرچانت 12-شىلدەدە ا ق ش- تان كەتۋگە دايىندالىپ جاتقان كەزدە قۇقىق قورعاۋ ورگاندارىنىڭ جاسىرىن قىزمەتكەرلەرى بولعان كۇدىكتىلەرمەن كەزدەسكەننەن كەيىن كوپ ۇزاماي قاماۋعا الىندى. مەرچانت قازىر فەدەرالدى قورعاۋدا. 46 جاستاعى پاكىستاندىق ءبىراز ۋاقىت بۇكىل وتباسىمەن يراندا تۇرعان.

پاكىستان سىرتقى ىستەر مينيسترلىگى جاعدايعا قاتىستى تۇسىنىك بەرىپ، تەرگەۋ ناتيجەلەرىن العاننان كەيىن يسلامابادتان رەسمي مالىمدەمە جاسالاتىنىن ايتتى.