ا ق ش-تا تۋبەركۋلەزدىڭ ەڭ ءىرى ىندەتى تىركەلدى
استانا. KAZINFORM - كانزاس شتاتىندا ا ق ش تاريحىنداعى ەڭ ءىرى تۋبەركۋلەز وشاقتارىنىڭ ءبىرى تىركەلدى، دەپ حابارلايدى Kazinform مەنشىكتى ءتىلشىسى.

كانزاس شتاتى دەنساۋلىق جانە قورشاعان ورتا دەپارتامەنتىنىڭ (KDHE) مالىمەتىنشە، 24- قاڭتارداعى جاعداي بويىنشا تۋبەركۋلەزدىڭ بەلسەندى فورماسىنىڭ 67 راستالعان جاعدايى تىركەلدى، ونىڭ ىشىندە ۋايندوتت وكرۋگىندە اۋرۋعا شالدىعۋدىڭ 60 جانە دجونسون وكرۋگىندە جەتى جاعدايى راستالعان، دەپ حابارلايدى ABC News.
سونىمەن قاتار، جاسىرىن تۋبەركۋلەزدىڭ 79 جاعدايى (ۋاياندوت وكرۋگىندە 77 جانە دجونسون وكرۋگىندە 2) راستالدى.
تۋبەركۋلەزدىڭ العاشقى وشاعى 2024- جىلدىڭ قاڭتارىندا تىركەلدى. وتكەن جىلى اۋرۋدان ەكى ادام قايتىس بولدى.
كانزاس شتاتىنىڭ دەنساۋلىق ساقتاۋ ورگاندارىنىڭ وكىلدەرى جاقىن ماڭداعى وكرۋگتەر مەن جالپى حالىققا قاۋىپ «وتە تومەن» دەيدى. ۋايىندوتت وكرۋگى كانزاس- ءسيتيدىڭ ءبىر بولىگىن قامتيدى، ال دجونسون وكرۋگى كانزاس-سيتيدىڭ وڭتۇستىك- باتىسىندا ورنالاسقان.
بۇعان دەيىن ا ق ش دۇنيەجۇزىلىك دەنساۋلىق ساقتاۋ ۇيىمىنان شىققانىن حابارلاعان بولاتىنبىز.