ا ق ش- تا پرەزيدەنتتىك بيلىكتى تاپسىرۋ قالاي ءوتىپ جاتىر

استانا. قازاقپارات - 2024 -جىلدىڭ 5 - قاراشاسىندا دونالد ترامپ اقش پرەزيدەنتى بولىپ سايلاندى، ءبىراق ونىڭ ەكىنشى پرەزيدەنتتىك مەرزىمى 2025 -جىلدىڭ 20 - قاڭتارىندا يناۋگۋراتسيادا انت قابىلداعان سوڭ عانا باستالادى. kazinform اگەنتتىگىنىڭ مەنشىكتى ءتىلشىسى اق ۇيدەگى بيلىكتى تاپسىرۋ پروتسەسى قالاي وتەتىنىن زەرتتەپ كوردى.

ا ق ش- تا بيلىكتى ءبىر اكىمشىلىكتەن ەكىنشىسىنە بەرۋ 1963 - جىلى قابىلدانعان، ساياسي وزگەرىستەرگە قاراماستان ۇكىمەتتىڭ جۇمىسىن قامتاماسىز ەتەتىن «پرەزيدەنتتىك بيلىكتىڭ وتپەلى كەزەڭى تۋرالى زاڭ» ارقىلى رەتتەلەدى. بۇل پروتسەستى 20 - قاڭتاردا وتەتىن پرەزيدەنتتىڭ يناۋگۋراتسياسىنا دەيىنگى جانە كەيىنگى كەزەڭ دەپ بولۋگە بولادى.

قۇجاتقا سايكەس، نەگىزگى فۋنكتسيالار ا ق ش ۇكىمەتى قۇرامىنداعى تاۋەلسىز اگەنتتىك سانالاتىن «جالپى قىزمەتتەر باسقارماسىنا» (GSA، General Services Administration) جۇكتەلگەن. ول پرەزيدەنتتىك سايلاۋعا دەيىن ۇزاق ۋاقىت بۇرىن وتپەلى كەزەڭدى جوسپارلاي باستايدى. سايلاۋعا شامامەن ەكى جىل قالعاندا GSA بيلىكتى اۋىستىرۋ بويىنشا فەدەرالدىق ۇيلەستىرۋشىنى تاعايىندايدى، فەدەرالدىق اگەنتتىكتەر تۋرالى مالىمەتتەردى جاڭارتادى، جىلىنا كەمىندە ءبىر رەت وتىرىستار وتكىزەدى جانە پەرسونالدى وقىتادى.

سايلاۋعا 12 اي قالعاندا GSA بيلىكتى اۋىستىرۋ ءىس- شارالارى مەن قاجەتتى رەسۋرستارىن قامتيتىن ەسەپ دايىندايدى.

سايلاۋعا 6 اي قالعاندا ا ق ش پرەزيدەنتى اق ءۇيدىڭ بيلىكتى تاپسىرۋدى ۇيلەستىرۋ كەڭەسىن قۇرادى. بيلىكتى تاپسىرۋ اگەنتتىگىنىڭ ديرەكتورلار كەڭەسى تۇراقتى وتىرىستار وتكىزە باستايدى. ءاربىر اگەنتتىك بيلىكتى اۋىستىرۋ ءىس- شارالارىن باقىلاۋ ءۇشىن اعا قىزمەتكەردى تاعايىندايدى.

سايلاۋعا 3 اي قالعاندا بيلىكتى اۋىستىرۋ بويىنشا فەدەرالدىق ۇيلەستىرۋشى سەناتتىڭ ىشكى قاۋىپسىزدىك جانە مەملەكەتتىك ىستەر كوميتەتىنە، سونداي- اق وكىلدەر پالاتاسىنىڭ قاداعالاۋ جانە ەسەپ بەرۋ كوميتەتىنە دايىندىق تۋرالى ەسەپ بەرەدى.

1 - قىركۇيەككە دەيىن GSA پرەزيدەنتتىككە ۇمىتكەرلەرمەن قولداۋ قىزمەتتەرىنە قاتىستى ءوزارا تۇسىنىستىك تۋرالى مەموراندۋمدارعا قول قويادى.

15- قىركۇيەككە دەيىن اگەنتتىكتەردىڭ باسشىلارى مانساپتىق ەمەس لاۋازىمدارعا قاتىستى ساباقتاستىق جوسپارلارىنىڭ دايىن بولۋىن قامتاماسىز ەتەدى.

1- قازاننان كەشىكتىرمەي ا ق ش پرەزيدەنتىنىڭ اتقارۋشى كەڭسەسى فەدەرالدىق ۇيلەستىرۋشى ارقىلى پرەزيدەنتتىككە ۇمىتكەردىڭ اۋىسپالى كومانداسىمەن ءوزارا تۇسىنىستىك تۋرالى مەموراندۋمعا قول قويۋ بويىنشا كەلىسسوزدەر جۇرگىزەدى. بۇل كەلەسى اكىمشىلىكتىڭ فەدەرالدىق اگەنتتىكتەرمەن ءوز ارەكەتتەرىن ۇيلەستىرۋىنە مۇمكىندىك بەرەدى.

1- قاراشاعا قاراي بيلىكتى اۋىستىرۋ ماسەلەلەرى جونىندەگى اگەنتتىك ديرەكتورلار كەڭەسى اۋىسۋعا ارنالعان اقپاراتتىق ماتەريالداردى دايىنداۋدى قامتاماسىز ەتەدى.

سايلاۋدان كەيىن (ناتيجەلەر انىقتالماعان جاعدايدا) GSA پرەزيدەنتتىككە ۇمىتكەرلەرگە 5 كۇن بويى قولداۋ كورسەتۋدى جالعاستىرادى.

سايلاۋ ناتيجەلەرى جاريالانعاننان كەيىنگى كەلەسى كۇنى GSA سايلانعان پرەزيدەنت پەن ۆيتسە- پرەزيدەنتكە كومەك كورسەتۋدى جالعاستىرادى، بۇل يناۋگۋراتسيادان كەيىن 60 كۇنگە دەيىن جالعاسادى. سونداي- اق، قىزمەتتەن كەتەتىن پرەزيدەنتكە قولداۋ كورسەتىلەدى، ول 7 ايعا دەيىن سوزىلۋى مۇمكىن.

اق ۇيمەن يناۋگۋراتسياعا دەيىنگى كەلىسىم

يناۋگۋراتسياعا دەيىن سايلانعان پرەزيدەنتتىڭ كومانداسى مەن فەدەرالدىق ۇكىمەت اراسىندا اق ۇيمەن كەلىسىم جاسالادى. بۇل كەلىسىم جاڭا اكىمشىلىك ءۇشىن سايلاۋدان كەيىن فەدەرالدىق اگەنتتىكتەرگە قول جەتكىزۋ شارتتارىن جانە ادىلەت مينيسترلىگىمەن بىرگە اۋىسپالى كوماندا مۇشەلەرىنىڭ قۇپيا اقپاراتقا قول جەتكىزۋگە قاتىستى سۇراۋلارى بويىنشا ەرەجەلەردى بەلگىلەيدى.
وسى ارالىقتا سايلانعان پرەزيدەنتتىڭ كومانداسى شامامەن 4 مىڭ ساياسي لاۋازىمعا تاعايىنداۋ جۇرگىزۋى قاجەت، ولاردىڭ 1300 ءى، سونىڭ ىشىندە كابينەت مينيسترلەرى، اگەنتتىك باسشىلارى، حاتشىلاردىڭ ورىنباسارلارى مەن كومەكشىلەرى، سونداي-اق باس كەڭەسشىلەر سەناتتىڭ ماقۇلداۋىن تالاپ ەتەدى. بۇل پروتسەسس ۇمىتكەرلەردىڭ زاڭدىق، ەتيكالىق نورمالارعا جانە قاۋىپسىزدىك ستاندارتتارىنا سايكەستىگىن قامتاماسىز ەتۋ ءۇشىن مۇقيات تەكسەرۋدى دە قامتيدى.

ساراپشىلاردىڭ پىكىرىنشە، جاقسى ۇيىمداستىرىلعان اۋىستىرۋ كەزەڭى ەلدىڭ تۇراقتىلىعى ءۇشىن شەشۋشى ماڭىزعا يە. ول جاڭا اكىمشىلىككە مەملەكەتتىك قىزمەتتەردىڭ، ۇلتتىق قاۋىپسىزدىكتىڭ جانە ەكونوميكانىڭ جۇمىسىنا كەدەرگىلەردى ازايتىپ، تەز ارادا ىسكە كىرىسۋگە مۇمكىندىك بەرەدى. ال كەرىسىنشە، اۋىستىرۋ كەزەڭىندەگى كەشىگۋلەر نەمەسە تيىمسىزدىك باسشىلىقتاعى ولقىلىقتارعا، ۇكىمەتتىڭ داعدارىسقا جاۋاپ بەرۋ جىلدامدىعىنىڭ تومەندەۋىنە جانە قوعامنىڭ سەنىمىنىڭ جوعالۋىنا اكەلۋى مۇمكىن. اكىمشىلىكتەر اراسىنداعى بيلىكتىڭ بەيبىت اۋىسۋى - دەموكراتيانىڭ ەڭ ايقىن كورىنىستەرىنىڭ ءبىرى.

ا ق ش- تىڭ 47- پرەزيدەنتى دونالد ترامپتىڭ يناۋگۋراتسياسى 2025 -جىلدىڭ 20 - قاڭتارىندا ۆاشينگتونداعى كاپيتولي توبەشىگىندە ورنالاسقان كونگرەسس عيماراتىندا وتەدى. بۇل ەل تاريحىنداعى 60-ءراسىم بولادى. ا ق ش كونستيتۋتسياسىنىڭ 20- تۇزەتۋلەرى بويىنشا، پرەزيدەنت دجو بايدەن مەن ۆيتسە- پرەزيدەنت كامالا ءحارريسىڭ وكىلەتتىكتەرى تۇسكى ساعات 12 دە اياقتالادى، وسى ساتتەن باستاپ جاڭا كانديداتتىڭ پرەزيدەنتتىك مەرزىمى باستالادى.

ايتا كەتەيىك، ا ق ش كونگرەسى ترامپتى 60- پرەزيدەنتتىك سايلاۋدىڭ جەڭىمپازى دەپ جاريالادى.