ا ق ش-تا قىزىلشا اۋرۋىنىڭ ورشۋىنەن مەكتەپ وقۋشىسى قايتىس بولدى
استانا. KAZINFORM - تەحاس شتاتىنداعى اۋىلدىق جەردە قىزىلشاعا قارسى ەكپە الماعان بالا قايتىس بولدى، دەپ حابارلايدى Euronews.
حابارلانعانداي، بۇل 2015 -جىلدان بەرى ا ق ش-تا قىزىلشادان قايتىس بولعان العاشقى وقيعا.
تەحاس بيلىگىنىڭ مالىمەتىنشە، شتاتتا اۋرۋعا شالدىعۋدىڭ 124 جاعدايى تىركەلگەن. كورشىلەس نيۋ-مەكسيكو شتاتىندا توعىز جاعداي تىركەلدى.
تەحاس بيلىگى قاۋىپتى ۆيرۋستىق اۋرۋدى ادەتتە شەتەلدە بولعان ادامدار اكەلەتىنىن اتاپ ءوتتى.
ساراپشىلار COVID-19 پاندەمياسىنان كەيىن بۇكىل الەمدە قىزىلشاعا قارسى ەكپە الۋ دەڭگەيىنىڭ تومەندەۋىنە نازار اۋداردى. ا ق ش-تا قازىردىڭ وزىندە كوپتەگەن شتاتتار قىزىلشانىڭ ورشۋىنەن قورعانۋ ءۇشىن قاجەت بولاتىن جاس بالالارعا ارنالعان ۆاكسيناتسيانىڭ 95 پايىزدىق شەگىنەن تومەن.
بۇعان دەيىن قىرعىزستاندا قىزىلشا اۋرۋىنا شالدىققاندار سانى ارتقانىن جازعان ەدىك.
اۆتور
زارينا تۋعانبايەۆا
