ا ق ش- تا قازاق كۇيى كۇمبىرلەدى

домбра
Фото: из открытых источников

استانا.قازاقپارات - ءاز-ناۋرىز مەيرامىندا نيۋ- يورك قالاسىنداعى Radio تولقىنىنان قازاق كۇيلەرى كۇمبىرلەدى، دەپ حابارلايدى 24KZ.

حالقىمىز ەجەلدەن قاستەرلەپ، ۇرپاقتان ۇرپاققا ۇلىقتاپ كەلە جاتقان قۇندى مۇرامىز كوپشىلىكتىڭ كوڭىلىن تولقىتتى. قۇرمانعازى كۇيلەرىن ەستىگەن تىڭدارمانداردىڭ اسەرىن ارىپتەسىمىز ايجان سىدىكوۆا ءبىلىپ قايتتى.

نيۋ- يورك ۋنيۆەرسيتەتىندە وقىپ جۇرگەن ەرسۇلتان مەرەكەگە وراي قازاق كۇيلەرى وينالاتىنىن ەستىپ، راديونى قوسىپ ءجۇردى. تۇستەن اۋا ءاز- ناۋرىزدا ا ق ش- تىڭ الىپ شاھارىنىڭ Radio USA تولقىنىندا كۇي اتاسى قۇرمانعازىنىڭ قۇندى مۇراسى قويىلدى. وسىلايشا، 8 ميلليوننان استام تۇرعىنى بار قالانى «سارىارقا» كۇيى سازعا بولەپ، الىپ شاھاردىڭ كۇندەلىكتى تىرشىلىگى كۇمبىرلەگەن «اداي» كۇيىمەن جالعاستى.

ەرسۇلتان ومار، نيۋ- يورك ۋنيۆەرسيتەتىنىڭ ماگيسترانتى:

- پرودجەكت مەنەدجمەنت ماماندىعىندا وقيمىن. ءوزىم پاۆلوداردان بولامىن. بولاشاق باعدارلاماسىمەن كەلدىم. امەريكادا كوپ بولماسام دا، قازاقستاندى قاتتى ساعىنامىن. سوندىقتان نيۋ- يورك راديوسىنان قازاق كۇيلەرى وينالاتىنىن ەستىپ، قاتتى قۋانىپ كەتتىم. نيۋ- يوركتەگى ورىس ءتىلدى اۋديتورياعا ارنالعان راديوسىنان تاراعان رۋحاني مۇرامىز ا ق ش استاناسى ۆاشينگتونعا دا جەتتى.

قازاقى قۇندىلىققا قۇلاق تۇرگەندەردىڭ اراسىندا دجوردجتاۋن ۋنيۆەرسيتەتىنىڭ وقىتۋشىسى دجيل نويوندەرف پەن ستۋدەنتتەرى دە بار. ول: «قازاقستانعا بارعان ساپارىنان جىلى ەستەلىكتەرىم كوپ»، - دەيدى.

دجيل نويوندەرف، دجوردجتاۋن ۋنيۆەرسيتەتىنىڭ مۇعالىمى:

- قازاقستان حالقىن ناۋرىز مەيرامىمەن قۇتتىقتايمىن. بىلتىر شىلدەدە الماتىعا 1 ايعا بارىپ، قازاق ۇلتتىق ۋنيۆەرسيتەتىندە ورىس ءتىلىن وقىپ ۇيرەندىم. ا ق ش- تان مەننەن باسقا 15 مۇعالىم بولدى. ءبىز سول كەزدە ۇلتتىق اسپاپتار مۇراجايىنا باردىق. سول جەردە دومبىرانىڭ ءۇنىن العاش رەت ەستىدىم. قاتتى ۇنادى. ءتىپتى ءبىزدىڭ توپتاعى ءبىر قۇربىم وعان قىزىعىپ، ساتىپ الىپ، وزىمەن بىرگە ا ق ش- قا الىپ كەلدى.

قۇرمانعازى مۇراسىمەن قازاق ەلىنە دەگەن ساعىنىشىن باسقان دجيل بيىل ماۋسىم ايىندا تاعى دا ساياحاتتاپ بارىپ، دوستارىمەن كەزدەسۋدى جوسپارلاپ وتىر.

www.24.kz

سوڭعى جاڭالىقتار