ا ق ش-تا م ە ن شتاتىندا بولعان اتىس سالدارىنان كەم دەگەندە 16 ادام قازا تاپتى

 ا ق ش-تىڭ م ە ن شتاتىنداعى ليۋيستون قالاسىندا بەلگىسىز بىرەۋ ادامدارعا وق جاۋدىردى. كەم دەگەندە 16 ادامنىڭ قازا تاپقانى حابارلاندى. Kazinform اگەنتتىگى بۇل تۋرالى BBC-گە سىلتەمە جاساپ حابارلايدى. 

پوليتسيانىڭ مالىمەتىنشە، قاسكوي ءالى ۇستالعان جوق.

شتاتتىڭ ەكىنشى ۇلكەن قالاسىنىڭ تۇرعىندارىنا قاۋىپسىز جەرلەردى پانالاۋعا كەڭەس بەرىلدى.

پوليتسيا كۇدىكتىنىڭ سۋرەتىن جاريالادى. اقپاراتقا سايكەس، وقيعا «ءارتۇرلى جەرلەردە» بولعان.

سونداي-اق، كەم دەگەندە 50 ادامنىڭ جاراقات العانى حابارلاندى، ءبىراق بۇل اقپارات ءالى راستالعان جوق.

مەن شتاتىنىڭ ورتالىق مەديتسينالىق ورتالىعىنىڭ حابارلاۋىنشا، جەرگىلىكتى بيلىك «كوپتەگەن ادام قازا تاپقان ۇلكەن اتىس وقيعاسىنا» بايلانىستى جاقىن ماڭداعى باسقا مەديتسينالىق مەكەمەلەرمەن كۇش-جىگەردى ۇيلەستىرىپ وتىر.

«ليۋيستوندا مەرگەن ءجۇر. تۇرعىنداردان جاسىرىنۋىن سۇرايمىز. ءوتىنىش، ۇيلەرىڭىزدە بولىڭىزدار، ەسىكتەرىڭىزدى قۇلىپتاپ الىڭىزدار» دەلىنگەن شتات پوليتسياسىنىڭ X الەۋمەتتىك جەلىسىندەگى پاراقشاسىندا.

سونداي-اق پوليتسەيلەر كۇدىكتى قىلمىسكەردى انىقتاۋعا كومەك سۇرادى.

اق ءۇي پرەزيدەنت دجو بايدەنگە وقيعا تۋرالى اقپارات بەرىلگەنىن حابارلادى.