ا ق ش- تا لوتورەيانىڭ 1,6 ميلليارد دوللار دجەكپوتىنىڭ جەڭىمپازى انىقتالدى

ا ق ش- تىڭ فلوريدا شتاتىندا ەل تاريحىندا Mega Millions لوتەرەياسىنىڭ ءۇشىنشى ەڭ ۇلكەن دجەكپوتىن - 1,6 ميلليارد دوللاردى ۇتقان تۇرعىننىڭ ەسىمى انىقتالدى.

Фото: Midjourney
Фото: из открытых источников

قازاقپارات بۇل تۋرالى AP اگەنتتىگىنە سىلتەمە جاساپ حابارلايدى.

شتاتتىڭ جاڭا زاڭىنا سايكەس، دجەكپوت جەڭىمپازىنىڭ ەسىمى جاريالانعان كۇننەن، ياعني 25- قىركۇيەكتەن باستاپ 90 كۇن بويى انونيمدى بولىپ قالادى، دەلىنگەن لوتەرەيا ۇيىمداستىرۋشىلارىنىڭ ەلەكتروندى حاتىندا.

لوتەرەيا وكىلدەرى جەڭىمپازدىڭ ءبىرجولعى تولەم الدە اننۋيتەت العانىن جانە ءبىرجولعى تولەمنىڭ بولجامدى سوماسىن ناقتىلاعان جوق.

ۇتىس بيلەتى اتلانت مۇحيتى جاعالاۋىنىڭ دجەكسونۆيلل ماڭىنداعى شاعىن قالا نەپتۋن-بيچتەگى Publix سۋپەرماركەتىندە ساتىلدى. فلوريدادا 8- تامىزدا ساتىلعان ءبىر بيلەت Mega Ball-داعى ويىننىڭ بارلىق التى نومىرىنە سايكەس كەلگەن – 13، 19، 20، 32، 33 جانە 14.

لوتورەيا تاريحىندا ەڭ ۇلكەن دجەكپوت كاليفورنيادا 2,04 ميلليارد دوللارعا ساتىلعان Powerball بيلەتى بولدى. ۇتىس ويىنى 2022-جىلدىڭ 8- قاراشاسىندا ءوتتى. كەلەسى ەڭ ۇلكەن ۇتىس 2016-جىلدىڭ 13- قاڭتارىندا ءوتىپ، ونىڭ سوماسى 1,586 ميلليارد دوللاردى قۇرادى. بۇل جۇلدە كاليفورنيا، فلوريدا جانە تەننەسسيدە ساتىلعان ءۇش بيلەت اراسىندا ءبولىندى.

Mega Millions لوتەرەياسى امەريكانىڭ 45 شتاتىندا، سونىمەن قاتار ۆاشينگتون جانە ا ق ش- تىڭ ۆيرگين ارالدارىندا ويناتىلادى.

سوڭعى جاڭالىقتار