ا ق ش-تا كوۆيد قايتا كۇشەيدى

Какие вирусы распространяются в СКО
Фото: pixabay.com.

  ا ق ش- تا كوۆيد قايتا كۇشەيدى. ىندەتتىڭ ۋشىعۋىنا جاڭا مۋتاتسيالانعان ۆيرۋس پەن تۇماۋدىڭ ءورشۋى سەبەپ بولعان كورىنەدى. سوندىقتان دارىگەرلەر تۇرعىنداردان ماسكا تاعۋدى قايتا تالاپ ەتە باستادى.

ا ق ش تا اۋرۋحاناعا تۇسكەن ناۋقاستاردىڭ قاتارى كوبەيگەن. كوۆيدتىڭ تارالۋىن ازايتۋ ءۇشىن ەمحانالاردىڭ باسىم بولىگى بەتپەردە رەجيمىنە كوشىپ جاتىر. ەل بويىنشا وتكەن اپتادا عانا 146 مىڭ ادام كوۆيد19 دياگنوزىبەن اۋرۋحاناعا تۇسكەن. ماۋسىمدىق اۋرۋلار ەپيداحۋالدى ودان بەتەر قيىنداتىپ جىبەرگەن.

ۋيليام شاففنەر، ۆاندەربيلت ۋنيۆەرسيتەتىنىڭ جۇقپالى اۋرۋلار جونىندەگى ساراپشىسى:

- كوۆيد پەن قوسا تۇماۋمەن وزگە دە قىسقى رەسپيراتورلىق ۆيرۋستارعا بەي جاي قاراماۋعا بولمايدى. ولار اسىرەسە، سوزىلمالى اۋرۋلارى بار، جوعارى قاۋىپ-قاتەر توبىنداعى ادامداردا قاۋىپتى. تۇماۋ ءتىپتى دەنى ساۋ ادامدى، جاستارمەن بالالاردى دا 48 ساعات ىشىندە جەدەل جاردەم بولمەسىنەن ءبىراق شىعارۋدا. الايدا، تۇماۋعا قاراعاندا ادام دەنساۋلىعىنا كوۆيدتىڭ سالدارى اۋىر. كوروناۆيرۋستىڭ تەز تارالۋىنا JN1 اتاۋىمەن بەلگىلى جاڭا ۆيرۋس سەپ بولعان.

وميكروننىڭ بۇل ءتۇرى بىلتىر قىركۇيەك ايىندا انىقتالعان ەدى. ناۋقاستاردىڭ %44 نان ۆيرۋستىڭ وسى ءتۇرى تابىلعان. سوندىقتان تۇرعىندار ساقتىق شارالارىنا اسا ءمان بەرىپ، ۆاكسينا العانى دۇرىس دەيدى دارىگەرلەر.

روبەرت پيتتس، دارىگەر:

- ەكپە جاساۋعا ەشقاشان كەش ەمەس. بارلىق پاتسيەنتتەرىمە ۆاكسينا الۋدى كۇن سايىن ايتىپ كەلەم. كوۆيدكە اتۇستى قاراماۋ كەرەك. بەلگىلەرىن سەزسەڭىز جەدەل تەست جاساتىپ، ارۋدىڭ اسقىۋىنىڭ الدىن الۋ كەرەك. ىندەتتىڭ تەز تارالۋىنىڭ تاعى ءبىر سەبەبى دە جۇرت ۆاكسينا سالدىرۋدى كۇرت ازايتقان. وتكەن جىلى تەك بەستەن ءبىرى عانا ەكپەنى جاڭارتىپتى. سوندىقتان دارىگەرلەر قىستىڭ سوڭعى ايىندا ۆيرۋس جۇقتىرعانداردىڭ سانى ارتىپ، ەپيد احۋال ۋشىعا ءتۇسۋى مۇمكىن دەپ وتىر.

ايجان سىدىقوۆا

www.24.kz

سوڭعى جاڭالىقتار