ا ق ش- تا كارتالارداعى مەكسيكا شىعاناعى اتاۋى امەريكا دەپ وزگەرتىلەدى — Google
استانا. قازاقپارات - Google كومپانياسى دونالد ترامپتىڭ بۇيرىعىنا سايكەس كارتالارعا وزگەرىس ەنگىزەتىنىن ايتتى. ءبىراق مەكسيكالىق پايدالانۋشىلار ءۇشىن بۇرىنعىشا مەكسيكا شىعاناعى بولىپ قالا بەرەدى، دەپ جازادى euronews.com.

Google دۇيسەنبى كۇنى ا ق ش- تاعى Google Maps پايدالانۋشىلارى ءۇشىن گەوگرافيالىق ايماق امەريكا شىعاناعى دەپ وزگەرتىلەتىنىن، ال مەكسيكادا مەكسيكا شىعاناعى بولىپ قالا بەرەتىنىن مالىمدەدى. قالعان ەلدەردەگى پايدالانۋشىلار ەكى اتاۋدى دا كورەدى. سونداي-اق كومپانيا ا ق ش پايدالانۋشىلارى ءۇشىن ترامپتىڭ بۇيرىعىمەن دەنالي تاۋى ماك-كينلي دەگەن اتپەن قولدانىلاتىنىن ايتتى.
- بىزدە رەسمي مەملەكەتتىك ورگانداردا جاڭارتىلعان اتاۋلارعا وزگەرىس ەنگىزۋدىڭ بۇرىننان كەلە جاتقان تاجىريبەسى بار. ءارتۇرلى ەلدەردەگى رەسمي اتاۋلار ءارتۇرلى بولعان كەزدە، كارتا پايدالانۋشىلارى (Google) رەسمي جەرگىلىكتى اتاۋدى كورەدى. الەمنىڭ قالعان بولىگىندە ەكى اتاۋدى دا كورەدى، - دەلىنگەن Google سايتىنداعى حابارلامادا.
كومپانيا وزگەرىستەر ا ق ش ۇكىمەتى شىعاناق پەن تاۋدىڭ رەسمي اتاۋلارىن جاڭارتقاننان كەيىن بولاتىنىن مالىمدەدى.
دونالد ترامپتىڭ مەكسيكا شىعاناعى اتاۋىن «امەريكا شىعاناعى» دەپ وزگەرتۋگە ۇمتىلاتىنىن ايتقانى تۋرالى بۇعان دەيىن حابارلاعان بولاتىنبىز.
جاۋاپ رەتىندە مەكسيكا پرەزيدەنتى كلاۋديا شەينباۋم امەريكا قۇراما شتاتتارىنا اۋماقتىڭ تاريحي اتاۋى «Americana Mexicana» دەپ قايتارۋدى ۇسىندى.
ترامپ سونىمەن بىرگە الياسكاداعى ەڭ بيىك دەنالي تاۋىنىڭ اتاۋىن ماك-كينلي دەپ وزگەرتۋ تۋرالى جارلىققا قول قويدى.
پرەزيدەنت باراك وباما بۇعان دەيىن 2015-جىلى الياسكاداعى جەرگىلىكتى تايپالار مەن ساياساتكەرلەردىڭ ءوتىنىشى بويىنشا تاۋدىڭ اتاۋىن وزگەرتىپ، 25-پرەزيدەنت ۋيليام ماك-كينليدىڭ تۋعان جەرى وگايو شتاتىنىڭ تۇرعىندارى نارازىلىق تۋدىرعان بولاتىن.