ا ق ش- تا حيميالىق زاۋىتتا شىققان ءورتتى ءتورت كۇننەن بەرى سوندىرە الماي جاتىر

استانا. KAZINFORM – ا ق ش- تىڭ تەحاس شتاتىنداعى حيميالىق زاۋىتتا 16 -قىركۇيەكتە گاز قۇبىرىندا باستالعان ءورت ءالى سونگەن جوق.

The Guardian گازەتىنىڭ جەرگىلىكتى ۇكىمەتكە سىلتەمە جاساپ حابارلاۋىنشا، 16 -قىركۇيەك كۇنى تاڭەرتەڭ لا- پورتە قالاسىنداعى زاۋىتتا ءورت شىعىپ، مىڭداعان ءۇي جارىقسىز قالدى، وقيعاعا جاقىن جەردە تۇراتىن تۇرعىندار ەۆاكۋاتسيالاندى.

حيميالىق زاۋىتتاعى جارىلىستان كەيىن باستالعان ءورتتى ءتورت كۇننەن بەرى ءسوندىرۋ مۇمكىن بولماي جاتىر.

- گازدى توقتاتۋ مۇمكىن بولماعان سياقتى. «ەنەرگيا ترانسفەر» گاز قۇبىرى وپەراتورىنىڭ بريگاداسى مەن جەرگىلىكتى كوممۋنالدىق قىزمەتتەر اۋماقتى وقشاۋلاۋمەن اينالىسىپ جاتىر، - دەلىنگەن حابارلامادا.

مالىمەتتەرگە قاراعاندا، جارىلىس جول تالعامايتىن كولىك گاز تاراتۋ پۋنكتىمەن سوقتىعىسىپ، ءورت شىققاننان كەيىن بولعان. ايتۋلارىنشا، جۇرگىزۋشى قازا تاۋىپ، كولىككە ەشكىم جاقىنداي الماعان. اۋدانداعى مىڭنان استام ۇيدە تۇراتىن ازاماتتار قاۋىپسىز جەرگە كوشىرىلدى.

- كوپتەگەن مۇناي وڭدەۋ زاۋىتتارى مەن مىڭداعان شاقىرىم قۇبىرلار ورنالاسقان حيۋستون جارىلىس پەن ورتكە بەيىم. ولاردىڭ كوپشىلىگىندە ءولىم جاعدايلارى تىركەلەدى، - دەلىنگەن حابارلامادا.

اۆتور

جاراسقان نۇرىبايەۆ