ا ق ش- تا شەتەلدىك ستۋدەنتتەر سانى 15 پايىز ازايدى
استانا. KAZINFORM – ا ق ش- تا ۆيزالىق ساياساتتىڭ وزگەرۋى مەن كوللەدجدەردە وقۋ اقىسىنىڭ قىمباتتاۋى شەتەلدىك ستۋدەنتتەر سانىن كۇرت ازايتتى.
بۇل جاعداي ا ق ش ەكونوميكاسىنا ەلەۋلى قارجىلىق قيىندىق اكەلۋى مۇمكىن، دەپ حابارلايدى Kazinform اگەنتتىگىنىڭ ۆاشينگتونداعى مەنشىكتى ءتىلشىسى CNBC گە سىلتەمە جاساپ.
«حالىقارالىق ءبىلىم بەرۋ ينستيتۋتى» (Institute of International Education) كوممەرتسيالىق ەمەس ۇيىمىنىڭ ەسەبىنە سۇيەنسەك، 2026-جىلدىڭ كۇزگى سەمەسترىندە ا ق ش- تا وقۋعا جاڭادان قابىلدانعان شەتەلدىك ستۋدەنتتەر سانى وتكەن وقۋ جىلىمەن سالىستىرعاندا 15 پايىز ازايعان. ال 2025-2026 وقۋ جىلىندا بۇل كورسەتكىش 17 پايىزدان استام تومەندەگەن. بۇعان نەگىزىنەن ءۇندىستان مەن قىتايدان كەلەتىن تالاپكەرلەر سانىنىڭ قىسقارۋى اسەر ەتكەن.
ا ق ش- تاعى كوللەدجدەردىڭ كوبى شەتەلدىك ستۋدەنتتەردى تارتۋدى باستى مىندەت سانايدى. الايدا ەسەپتە بۇل باعىتتا ءبىرقاتار كەدەرگى بار ەكەنى دە كورسەتىلگەن. اتاپ ايتقاندا، ا ق ش- تاعى وقۋ اقىسى باسقا ەلدەرمەن سالىستىرعاندا قىمبات. سونىمەن قاتار F-1 جانە J-1 ساناتىنداعى ۆيزالاردىڭ كوپشىلىگىنىڭ قولدانىلۋ مەرزىمىن ءتورت جىلمەن شەكتەيتىن جاڭا ەرەجەلەرگە قاتىستى بەلگىسىزدىك تە شەتەلدىك ستۋدەنتتەردى تارتۋعا كەدەرگى كەلتىرىپ وتىر.
شەتەلدىك ستۋدەنتتەرگە كەڭەس بەرەتىن ۇلتتىق قاۋىمداستىقتىڭ (NAFSA) تالداۋىنا سايكەس، 2025-2026 وقۋ جىلىندا شەتەلدىك ستۋدەنتتەر ا ق ش ەكونوميكاسىنا 40 ميلليارد دوللارعا جۋىق ۇلەس قوسقان. بيىل ستۋدەنتتەر سانىنىڭ ازايۋى ا ق ش ەكونوميكاسىنا شامامەن 2,4 ميلليارد دوللار شىعىن كەلتىرەدى دەپ بولجانىپ وتىر.
Fitch Ratings حالىقارالىق رەيتينگ اگەنتتىگىنىڭ تالداۋىندا F-1 ستۋدەنتتىك ۆيزاسىن الۋ تارتىبىنە ەنگىزىلگەن سوڭعى وزگەرىستەر شەتەلدىك ستۋدەنتتەرگە ەداۋىر تاۋەلدى ا ق ش- تىڭ كەيبىر كوللەدجدەرى مەن ۋنيۆەرسيتەتتەرىنىڭ قارجىلىق جاعدايىنا كەرى اسەر ەتۋى مۇمكىن ەكەنى ايتىلعان. شەتەلدىك ستۋدەنتتەر، ادەتتە، وقۋ اقىسىن تولىق تولەيدى نەمەسە جەرگىلىكتى ستۋدەنتتەرگە قاراعاندا وقۋ ورنىنان از كولەمدە قارجىلاي كومەك الادى. بۇل وزگەرىستەر، اسىرەسە، ماگيستراتۋرا باعدارلامالارى اۋقىمدى جانە وقۋ مەرزىمى ءتورت جىلدان اساتىن STEM باعىتتارى (عىلىم، تەحنولوگيا، ينجەنەريا جانە ماتەماتيكا) بويىنشا ماماندار دايارلايتىن ۋنيۆەرسيتەتتەرگە قيىندىق تۋعىزۋى مۇمكىن. ولار ستۋدەنت قابىلداۋدى جالعاستىرۋ ءۇشىن شەتەلدىك تالاپكەرلەردى تارتۋعا بايلانىستى قوسىمشا شىعىن شىعارۋعا ءماجبۇر بولادى.
بۇعان دەيىن ا ق ش- تا ستۋدەنتتىك ۆيزا شەتەلدىكتەر ءۇشىن قىمباتتاۋى مۇمكىن ەكەنى حابارلانعان بولاتىن.