ا ق ش- تا ءولىم جازاسىنا كەسىلگەن اسكەري پسيحياتر تىكەلەي ەفيردە اتىلادى

حاسان 2009-جىلى فورت-حۋد اسكەري بازاسىندا 13 ارىپتەسىن ولتىرگەنى ءۇشىن ءولىم جازاسىنا كەسىلگەن. اتۋ جازاسى 3-جەلتوقساندا ساعات 13:00 دە ورىندالماق.

قورعانىس ءمينيسترىنىڭ ايتۋىنشا، بۇل حابار مۇنداي قىلمىستاردىڭ سالدارى اۋىر بولاتىنىن كورسەتۋگە سەپتىگىن تيگىزەدى. ا ق ش- تا 1936-جىلدان بەرى كوپشىلىك الدىندا ءولىم جازاسى ورىندالماعان.

بۇل باستاما امەريكا قوعامىندا پىكىرتالاسقا سەبەپشى بولدى. جۇرت ءولىم جازاسىن كوپشىلىك الدىنداعى كورىنىسكە اينالدىرۋ ادامگەرشىلىككە جاتا ما دەپ سۇراق قويىپ وتىر. تەحاس تەحنولوگيا ۋنيۆەرسيتەتىنىڭ زاڭ پروفەسسورى دجەففري كورن ۇكىم ورىنداۋ ءداستۇرى بويىنشا، ءولىم جازاسىنىڭ ورىندالۋىن قىلمىسكەردەن زارداپ شەككەن تاراپتىڭ تۋىستارى مەن ب ا ق وكىلدەرى عانا كۋا بولاتىنىن تىلگە تيەك ەتتى. ونىڭ پىكىرىنشە، ۇكىمنىڭ ورىندالۋىن تىكەلەي ەفيردە كورسەتۋ ەسكى زاماننىڭ وقيعالارىن ەسكە سالادى.

بۇرىنعى ارميا پسيحياترى حاسان 2013-جىلى 13 ادامدى اتىپ تاستاپ، 30 دان استام ادامدى جارالاعان. اسكەري تريبۋنال ونى وسى قىلمىسى ءۇشىن ءولىم جازاسىنا كەسكەن. ول قىلمىسىن مويىنداپ، يسلام كوتەرىلىسشىلەرىنەن ا ق ش كۇشتەرىنەن قورعاۋعا تىرىسقانىن مالىمدەگەن. ا ق ش- تا 1961-جىلدان بەرۋ اتۋ جازاسى اسكەري قىزمەتشىگە قاتىستى ورىندالماعان.

حاساندى ءولىم جازاسىنا كەسۋ تۋرالى شەشىم جىلدار بويى جۇرگىزىلگەن سوت ىسىنەن كەيىن قابىلداندى. حاسان سوتتا ءوزىن قورعادى، ال 2024-جىلى ول جوعارعى سوتقا قۇقىعى بۇزىلعانىن ايتىپ، ءىستى قايتا قاراۋدى سۇراعان. 2025-جىلى جوعارعى سوت ونىڭ اپەللياتسيالىق شاعىمىن قاراۋدان باس تارتتى.

ەسكە سالا كەتەيىك، حاساننىڭ ءولىم جازاسىن ا ق ش پرەزيدەنتى ترامپ قورعانىس ءمينيسترى پيت حەگسەتتىڭ ۇسىنىسى بويىنشا ماقۇلدادى.