ا ق ش- تا ءبىلىم الىپ جۇرگەن قازاقستاندىقتار سانى ارتتى

IIE Open Doors 2025 ەسەبىنە سايكەس، 2023/24 وقۋ جىلىندا ا ق ش كوللەدجدەرى مەن ۋنيۆەرسيتەتتەرىندە قازاقستاننان 2712 ستۋدەنت وقىسا، 2024/25 وقۋ جىلىندا ولاردىڭ سانى 3102 ادامعا جەتكەن.

جالپى 2024/25 وقۋ جىلىندا ا ق ش- تا 1,18 ميلليون شەتەلدىك ستۋدەنت ءبىلىم العان. بۇل وتكەن جىلمەن سالىستىرعاندا 5 پايىزعا كوپ. شەتەلدىك ستۋدەنتتەر سانى بويىنشا ءۇندىستان كوش باستاپ تۇر. بۇل ەلدەن ا ق ش- تا 363 مىڭ ستۋدەنت وقيدى. ەكىنشى ورىندا 266 مىڭ ستۋدەنتپەن قىتاي ورنالاسقان.

پوستكەڭەستىك ەلدەر اراسىندا ا ق ش- تا ءبىلىم الاتىن ستۋدەنتتەر سانى بويىنشا رەسەي الدا كەلەدى. 2024/25 وقۋ جىلىندا بۇل ەلدەن 4948 ستۋدەنت تىركەلگەن. قازاقستان 3102 ستۋدەنتپەن ەكىنشى ورىندا تۇر. سونداي-اق ا ق ش- تا ۋكراينادان – 2346، قىرعىزستاننان – 1386، ازەربايجاننان – 1329، وزبەكستاننان – 1310، گرۋزيادان – 1040، ارمەنيادان – 525، تۇرىكمەنستاننان – 447، بەلارۋستەن - 411 جانە تاجىكستاننان 234 ستۋدەنت ءبىلىم الىپ ءجۇر.