ا ق ش-تا ءار 10 ادامنىڭ 9 ى كيبەرالاياققا تاپ بولعان
استانا. KAZINFORM - جاساندى ينتەللەكتتىڭ دامۋى سيفرلىق الاياقتاردىڭ قاپتاۋىنا دا سەبەپشى بولىپ وتىر، دەپ حابارلايدى Kazinform اگەنتتىگىنىڭ ۆاشينگتونداعى مەنشىكتى ءتىلشىسى CBS News ارناسىنا سىلتەمە جاساپ.
Consumer Reports, Aspen Digital جانە جاھاندىق كيبەرنەتيكا اليانسى بىرلەسە جۇرگىزگەن زەرتتەۋگە سايكەس، امەريكادا ءار ون ادامنىڭ توعىزى كيبەرشابۋىلدار مەن الاياقتىققا ۇشىراعان، ازاماتتاردىڭ 17 پايىزى سيفرلىق قاۋىپسىزدىكتىڭ بۇزىلۋىنا بايلانىستى اقشاسىنان ايىرىلعان.
- امەريكاندىقتاردىڭ وننان توعىزى الاياقتىقتىڭ نەمەسە كيبەرشابۋىلداردىڭ قۇربانى بولعان. بۇل ستاتيستيكا ەمەس، بۇل ءبىز قىزمەت كورسەتەتىن ادامداردىڭ دەرلىك بارلىعى. جاساندى ينتەللەكت الاياقتىقتى جىلدامداتادى، ارزانداتادى جانە جەكەشەلەندىرەدى. ەشكىم ونى جالعىز ءوزى جەڭە المايدى. كومپانيالار جاۋاپكەرشىلىككە تارتىلۋى كەرەك. ۇكىمەتتەرگە ناقتى شارالار قاجەت، - دەيدى Consumer Reports پرەزيدەنتى ءارى باس ديرەكتورى فيل رەدفورد.
بۇرىن الاياقتىق ارەكەتتەردى ويلاستىرۋ، ۇيىمداستىرۋ ءۇشىن كوپ شىعىن جۇمسالسا، قازىر سونىڭ ءبارىن جاساندى ينتەللەكت جەڭىلدەتىپ وتىر. بۇل تەحنولوگيا دەرەكتەردى ۇرلاۋدى وڭايلاتادى، سەبەبى ول جەكە ادامعا تۇزاق قويۋ ءۇشىن پايدالاناتىن اقپاراتتى تەزىرەك سينتەزدەۋگە مۇمكىندىك بەرەدى.
ناۋرىز جانە ءساۋىر ايلارىندا شامامەن 5000 ەرەسەك ادامعا ساۋالناما جۇرگىزگەن Consumer Reports امەريكالىقتاردىڭ 90 پايىزى ساندىق الاياقتىققا نەمەسە كيبەرشابۋىلعا ۇشىراعانىن انىقتادى. ا ق ش تۇرعىندارى وزدەرىنىڭ جەكە دەرەكتەرىنىڭ قاۋىپسىزدىگىنە، اسىرەسە قىلمىسكەرلەردىڭ ولاردىڭ قارجىلىق شوتتارىنا كىرۋ مۇمكىندىگىنە الاڭداپ وتىر.
پەنتاگونعا كيبەرشابۋىل جاسالىپ، 3 ميلليون ادامنىڭ دەرەگى اشىلىپ قالعانى بەلگىلى بولدى.
قۇرىلتاي قازاقستاننىڭ كيبەرقىلمىسقا قارسى كۇرەسىن كۇشەيتەتىن قۇجاتتى قابىلدادى.
ورتالىق ازياداعى كيبەرقاۋىپسىزدىككە توتەپ بەرۋ ماسەلەلەرىن تالقىلاۋ ءۇشىن ماماندار استانادا باس قوستى.
