ا ق ش- تا 47 جاستاعى ەر ادام بەس ادامدى اتىپ ءولتىرىپ، ارتىنان وزىنە قول جۇمسادى

АҚШ
Фото: North Las Vegas Police Dept

 استانا. KAZINFORM - سولتۇستىك لاس-ۆەگاستا بەس ادامدى ولتىرگەنى ءۇشىن ىزدەۋدە جۇرگەن كۇدىكتى پوليتسيانىڭ تۇنگى ىزدەۋىنەن كەيىن ءوز-وزىنە قول جۇمسادى. بۇل تۋرالى CNN جازدى.

24-ماۋسىم كۇنى كەشكە ا ق ش- تىڭ سولتۇستىك لاس- ۆەگاس قالاسىندا بەلگىسىز ەر ادام كاسا نورتە درايۆ بويىنداعى تۇرعىن ءۇي كەشەنىنىڭ ەكى پاتەرىنە وق جاۋدىردى. سالدارىنان بەس ادام قازا تاپتى. وسىدان كەيىن ەر ادام ءوز-وزىنە قول جۇمساعان.

پوليتسياعا دۇيسەنبى كۇنى كەشكى ساعات 10 دار شاماسىندا كاسا نورتە درايۆتاعى تۇرعىن ءۇي كەشەنىندە اتىس بولعانى تۋرالى حابار ءتۇستى. ولار كەلگەن كەزدە ەكى ەرەسەك ايەلدى تاپقان: بىرەۋى 40 تا، ەكىنشىسى 50 لەر شاماسىندا. ولار وق جاراقاتىن العان. مەديتسينا قىزمەتكەرلەرى ولاردىڭ قايتىس بولعانىن حابارلادى.

كەيىن پوليتسيا ءۇشىنشى قۇرباندى - 13 جاستاعى قىزدى تاپتى، ونىڭ دا وق جاراقاتى بار. دۇيسەنبى كۇنى كەشكە ول UMC تراۆماتولوگيا ورتالىعىندا اۋىر جاعدايدا قالدى. سول كەشەندەگى تاعى ءبىر پاتەردەن وق جاراقاتىمەن تاعى ءۇش قۇربان تابىلدى: ەكى ايەل مەن 20 جاستاعى ەر ادام. پوليتسيانىڭ حابارلاۋىنشا، ۇشەۋى دە وقيعا ورنىندا قايتىس بولعان.

سودان كەيىن پوليتسيا كۇدىكتى رەتىندە 47 جاستاعى ەريك ادامستى انىقتاپ، تۇندە ىزدەۋ جۇمىسى باستالدى. پوليتسيا ادامستى ءتۇنى بويى سەيسەنبى كۇنى ساعات 10.00 گە دەيىن ىزدەپ، ونىڭ يست- لەيك- ميد بۋلۆارىنداعى كەڭسەدە ەكەنى تۋرالى اقپارات العان. ولار كەلگەندە، ادامس جاقىن ماڭداعى ءۇيدىڭ اۋلاسىنا قاشىپ كەتتى.

«وفيتسەرلەر ادامسقا اتىس قارۋىن تاستاۋ تۋرالى اۋىزشا بۇيرىق بەرە باستادى. ءبىراق ادامس بۇل بۇيرىقتى ەلەمەي، ءوز- وزىنە قول جۇمسادى»، - دەلىنگەن حابارلامادا.

پوليتسيا وقيعانى تەرگەۋدى جالعاستىرىپ جاتىر.

سوڭعى جاڭالىقتار