ا ق ش سوتى دونالد ترامپقا قاتىستى شەشىم شىعاردى

Трамп
فوتو: Pixabay

ا ق ش. KAZINFORM - ا ق ش-تىڭ بۇرىنعى پرەزيدەنتى دونالد ترامپقا قاتىستى ءتورت قىلمىستىق ءىس قوزعالدى، سوت شەشىمى ونىڭ 2020 -جىلعى سايلاۋدى بۇزۋ ارەكەتىنە قاتىستى شىعارىلدى، دەپ جازادى BBC.

سوت دونالد ترامپتىڭ بيلىكتى ساقتاپ قالۋ ارەكەتتەرىنە قاتىسقانى ءۇشىن جاۋاپقا تارتىلۋدا يممۋنيتەتى جوق دەپ شەشتى.

«وسى قىلمىستىق ءىس اياسىندا بۇرىنعى پرەزيدەنت ترامپ قىلمىستىق ءىس بويىنشا ايىپتالاتىن كەز كەلگەن باسقا تۇلعا سياقتى بارلىق قورعانىس مۇمكىندىكتەرى بار ازامات ترامپقا اينالدى. ءبىراق ونى پرەزيدەنت رەتىندە قورعايتىن كەز كەلگەن يممۋنيتەت ەندى ونى بۇل ايىپتاۋلاردان قورعاي المايدى»، - دەلىنگەن سوت شەشىمىندە.

ەستەرىڭىزگە سالا كەتەيىك، 2021 -جىلدىڭ 6-قاڭتارىندا كاپيتولي ماڭىندا تارتىپسىزدىك بولىپ، وسى ءۇشىن ترامپتىڭ جاقتاستارى ايىپتالعان بولاتىن. ترامپتىڭ ءوزى بۇل ءىس بويىنشا كىناسىن مويىنداعان جوق.

دونالد ترامپقا «الاياقتىق جانە الداۋ ارقىلى فەدەرالدى ۇكىمەتتىڭ فۋنكسيالارىنا زيان كەلتىرۋ، كەدەرگى كەلتىرۋ جانە السىرەتۋ ءۇشىن قاستاندىق جاساۋ» دەگەن ايىپ تاعىلعان.

دونالد ترامپ 2020 -جىلعى سايلاۋدا دەموكراتيالىق قارسىلاسى دجو بايدەننەن جەڭىلدى. قازىرگى ۋاقىتتا ول رەسپۋبليكالىق پارتيا اتىنان پرەزيدەنتتىككە ۇمىتكەر.

سوڭعى جاڭالىقتار