ا ق ش سەناتى داگ بەرگامدى ىشكى ىستەر ءمينيسترى ەتىپ بەكىتتى

استانا. KAZINFORM - سولتۇستىك داكوتا شتاتىنىڭ بۇرىنعى گۋبەرناتورى داگ بەرگام جاڭا ىشكى ىستەر ءمينيسترى بولىپ بەكىتىلدى، دەپ حابارلايدى Kazinform مەنشىكتى ءتىلشىسى.

Даг Бергамотного
Фото: GAGE SKIDMORE, FLICKR

سەنات ميللياردەردى 79 عا قارسى 18 كوپشىلىك داۋىسپەن ماقۇلدادى، دەپ حابارلايدى ABC News.

68 جاستاعى داگ بەرگام - سولتۇستىك داكوتاداعى شاعىن فەرمەرلەر قاۋىمداستىعىنان شىققان باعدارلامالىق جاساقتاما سالاسىنداعى وتە باي كاسىپكەر، ول سول جەردە وتباسىنىڭ ەليەۆاتورىندا جۇمىس ىستەدى.

ول ەكى مەرزىم بويى مۇنايعا باي شتاتتىڭ گۋبەرناتورى قىزمەتىن اتقاردى جانە 2023-جىلى پرەزيدەنتتىك ناۋقاندى باستادى، ءبىراق بىرنەشە ايدىڭ ىشىندە سايلاۋدى تاستاپ، دونالد ترامپتى قولدادى.

ترامپ سونىمەن قاتار بەرگامدى امەريكالىق «ەنەرگەتيكالىق ۇستەمدىككە» قول جەتكىزۋ مىندەتى جۇكتەلگەن جاڭا ۇلتتىق ەنەرگەتيكالىق كەڭەستىڭ ءتوراعاسى ەتىپ تاڭدادى. ول ۇلتتىق قاۋىپسىزدىك كەڭەسىندە ورىن الاتىن العاشقى ىشكى ىستەر ءمينيسترى بولادى.

كانديداتۋراسىن بەكىتۋ تىڭداۋلارىندا بەرگام ا ق ش ەنەرگيانى دامىتۋدى بەيبىتشىلىكتى ىلگەرىلەتۋ جانە تۇتىنۋشىلىق شىعىنداردى ازايتۋ ءۇشىن تەتىك رەتىندە پايدالانا الاتىنىن مالىمدەدى.

بەرگام بايدەن تۇسىندا مۇناي مەن گاز ءوندىرىسىن كۇرت قىسقارتقان جانە فەدەرالدى جەرلەردەگى كۇن مەن جەل ەنەرگياسى جوبالارىن العا جىلجىتقان دەب حاالاندتىڭ ورنىنا كەلەدى.

وسىعان دەيىن جاپونيا مەن ا ق ش كوشباسشىلارىنىڭ العاشقى كەزدەسۋى اقپان ايىندا ءوتۋى مۇمكىن ەكەنى ايتىلدى.

سوڭعى جاڭالىقتار