ا ق ش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى بەيجىڭگە باردى
استانا. KAZINFORM – ا ق ش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى دجەيك سالليۆان ءۇش كۇندىك ساپارمەن بەيجىڭگە باردى.
جەرگىلىكتى اقپارات قۇرالدارىنىڭ حابارلاۋىنشا، دج. سالليۆاننىڭ قىتايعا ساپارى ا ق ش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسىنىڭ كەيىنگى سەگىز جىلداعى العاشقى ساپارى.
ق ح ر سىرتقى ىستەر مينيسترلىگىنىڭ حابارلاۋىنشا، دج. سالليۆان ق ك پ و ك ساياسي بيۋروسىنىڭ مۇشەسى، ق ك پ ورتالىق سىرتقى ىستەر كوميسسياسى كەڭسەسىنىڭ مەڭگەرۋشىسى ۆان ءيدىڭ شاقىرۋىمەن 27-29-تامىز ارالىعىندا قىتاي- امەريكا ستراتەگيالىق بايلانىستارىنىڭ جاڭا كەزەڭىن وتكىزۋ ءۇشىن قىتايدا بولادى.
گونكونگ اقپارات قۇرالدارىنىڭ حابارلاۋىنشا، كەزدەسۋلەر بارىسىندا تاراپتار ايماقتىق جانە جاھاندىق كۇن تارتىبىندەگى ماسەلەلەردى تالقىلايدى.
وسىعان دەيىن دەموكراتيالىق پارتيانىڭ ۇلتتىق سەزد الدىندا جانە ونىڭ بارىسىندا جۇرگىزىلگەن ءبىرقاتار ساۋالناما دەموكراتيالىق پارتيادان پرەزيدەنتتىككە ۇمىتكەر كامالا ءحارريستى قولداۋ دەڭگەيى رەسپۋبليكالىق پارتيانىڭ قارسىلاسى دونالد ترامپتان جوعارى ەكەنىن كورسەتكەنىن حابارلادىق.
