ا ق ش پرەزيدەنتتىگىنە سايلاۋ جارىسىنان تاعى ءبىر ۇمىتكەر شىعىپ قالدى
استانا. KAZINFORM -اركانزاس شتاتىنىڭ بۇرىنعى گۋبەرناتورى ەيسا حاتچينسون ا ق ش پرەزيدەنتى لاۋازىمىنا سايلاۋالدى جارىستان باس تارتاتىنىن مالىمدەدى، دەپ «امەريكا داۋىسى».
اركانزاس شتاتىنىڭ بۇرىنعى گۋبەرناتورى، رەسپۋبليكاشىلدار پارتياسىنان پرەزيدەنتتىككە ۇمىتكەرلەردىڭ ءبىرى ەيسا حاتچينسون سەيسەنبى كۇنى سايلاۋشىلاردىڭ جەتكىلىكتى قولداۋىنا يە بولا الماعاندىقتان سايلاۋالدى دودادان شىعىپ قالدى.
ساۋىردە 2024-جىلى رەسپۋبليكاشىلدار اتىنان كانديداتۋراسىن ۇسىناتىنىن جاريالاعان حاتچينسون ساۋالنامالاردا ەشقاشان ءبىر پايىزدىق تارماقتان جوعارى كوتەرىلمەدى جانە قىركۇيەكتەگى پارتيانىڭ ەكىنشى دەباتىنا وتپەدى.
حاتچينسون دونالد ترامپتىڭ كانديداتۋراسىنا قارسى شىعىپ، بۇرىنعى پرەزيدەنت 2021 -جىلى 6-قاڭتاردا ءوز جاقتاستارىنىڭ كاپيتوليگە جاساعان شابۋىلى ءۇشىن «ماڭىزدى جاۋاپكەرشىلىكتى» موينىنا الادى جانە قايتا پرەزيدەنت بولۋعا قۇقى جوق دەپ مالىمدەدى.
حاتچينسون 2015 -جىلدان باستاپ 2023 -جىلدىڭ باسىنا دەيىن اركانزاس گۋبەرناتورى قىزمەتىن اتقاردى. بۇعان دەيىن ول فەدەرالدى پروكۋرور بولدى، وكىلدەر پالاتاسىندا ءۇش مەرزىمگە سايلانىپ، دجوردج بۋش اكىمشىلىگىندە جوعارى لاۋازىمداردى اتقاردى.
ەستەرىڭىزگە سالا كەتەيىك، كەشە ا ق ش پرەزيدەنتتىگىنە رەسپۋبليكاشىلدار پارتياسىنان ۇمىتكەر ۆيۆەك راماسۆامي دە سايلاۋعا قاتىسۋدان باس تارتقان بولاتىن.
ا ق ش- تاعى سايلاۋ 2024 -جىلدىڭ 5-قاراشاسىنا بەلگىلەنگەن. دونالد ترامپقا پرەزيدەنتتىك سايلاۋعا قاتىسۋعا رۇقسات بەرىلدى. ميچيگان شتاتىنىڭ سوتى ونىڭ شتاتتاعى نەگىزگى بيۋللەتەندە قالۋى تۋرالى شەشىم شىعاردى.
