ا ق ش-رەسەي كەلىسسوزى تەڭگە باعامىنا اسەر ەتە مە

استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ بازالىق مولشەرلەمەگە ارنالعان باسپا ءسوز ءماسليحاتىندا ا ق ش-رەسەي كەلىسسوزى تەڭگە باعامىنا قالاي اسەر ەتەتىنىن ايتتى.

- رۋبلدىڭ تەڭگەگە شاققانداعى باعامى ۇنەمى 5 تەڭگە كولەمىندە ساقتالادى دەۋ دۇرىس ەمەس. ءيا، جىلدار بويى ورتاشا مولشەردە 5 تەڭگەلىك مەجە بار. ءبىراق ءسىز ايتىپ وتىرعان ەكونوميكاداعى شايقالىستار ۋاقىتشا سيپاتقا يە جانە ەكونوميكاعا اسەرى بولادى. سانكسيالار الىنىپ، رەسەي ەكونوميكاسىنا جول اشىلسا، ونىڭ اسەرى قازاقستان ەكونوميكاسى مەن قارجى نارىعىنا قاراعاندا رەسەيگە كوبىرەك ىقپالىن تيگىزەدى، - دەدى ول.

ۇلتتىق بانكتىڭ رۋبل نارىعىنا قاتىستى بولجامدارى وپتيميستىك سيپاتتا.

- ويتكەنى ۋشىققان شيەلەنىستەر رەتتەلسە، رەسەي ەكونوميكاسىنا كوبىرەك جاعىمدى اسەر ەتەدى. ءبىز ءۇشىن ايتارلىقتاي ەشتەڭە وزگەرمەيدى. سوندىقتان رەسەي-امەريكا كەلىسسوزىنىڭ تەڭگەگە سۋپەر جاعىمدى نەمەسە سۋپەر جاعىمسىز اسەرىن بولجاپ وتىرعان جوقپىز، - دەدى ول.

ال قازاقستاندا، ۇلتتىق بانك باسشىسىنىڭ ايتۋىنشا، بازالىق مولشەرلەمە ءالى دە كوتەرىلۋى مۇمكىن.