ا ق ش قىزىل تەڭىزدە حۋسيتتەر اسكەري كەمەگە اتقان زىمىراندى قاعىپ ءتۇسىردى

  استانا. KAZINFORM -يەمەندىك حۋسيت سودىرلارى قىزىل تەڭىزدە ا ق ش- تىڭ اسكەري كەمەسىنە بىرنەشە زىمىران اتقىلاعانىن، امەريكاندىق جانە بريتاندىق كەمەلەرگە شابۋىل جاساۋىن جالعاستىرۋدى جوسپارلاپ وتىرعانىن مالىمدەدى، دەپ حابارلايدى «امەريكا داۋىسى».

يران قولداپ جۇرگەن حۋسيتتەردىڭ مالىمدەمەسى ا ق ش قارۋلى كۇشتەرى ورتالىق قولباسشىلىعىنىڭ ا ق ش ا ت ك- ءنىڭ «گرەيۆلي» اسكەري كەمەسى يەمەن اۋماعىنان اتىلعان كەمەگە قارسى قاناتتى زىمىراندى اتىپ تۇسىرگەنىن حابارلاعان سوڭ بىرنەشە ساعات وتكەن سوڭ جاسالدى.

قولباسشىلىق مالىمدەمەسىنە سايكەس، شابۋىل سالدارىنان زارداپ شەككەندەر جوق جانە كەمەگە زاقىم كەلمەگەن.

قاراشا ايىنىڭ ورتاسىنان بەرى حۋسيتتەر قىزىل تەڭىزدە 30 دان استام زىمىراندىق جانە ۇشقىشسىز ۇشاق شابۋىلدارىن جاساپ، وسى ماڭىزدى كولىك باعىتى بويىنشا كوممەرتسيالىق تاسىمالداۋعا كوپتەگەن كەدەرگى تۋعىزدى.

بۇگىن ۇلى بريتانيانىڭ حۋسيتتەرمەن كۇرەسۋ ءۇشىن قىزىل تەڭىزگە اۆياتاسىمالداعىشتى جىبەرۋى مۇمكىن ەكەنى بەلگىلى بولدى.

ەسكە سالا كەتسەك، قاڭتار ايىندا ا ق ش پەن ۇلى بريتانيانىڭ اۆياتسياسى مەن اسكەري كەمەلەرى يەمەندەگى كوتەرىلىسشى حۋسيتتەر توبىنا سوققى بەرە باستادى.

بۇعان دەيىن ءبىز قىزىل تەڭىزدەگى كەمەلەرگە شابۋىل جاساپ، الەمدىك ساۋدانى بۇزۋشى حۋسيتتەردىڭ كىم ەكەنى جايلى جازعان بولاتىنبىز.