ا ق ش-قىتاي اراسىنداعى باج سالىعىن قىسقارتۋ كەلىسىمى اياسىندا اكسيا باعالارى قىمباتتادى
استانا. KAZINFORM - دۇيسەنبىدە ا ق ش پەن قىتاي ءوزارا تاريفتەردى 90 كۇنگە تومەندەتۋگە كەلىسكەننەن كەيىن اكسيا باعالارى كۇرت ءوستى، دەپ حابارلايدى Investopedia.
Dow Jones يندەكسى 2,8 پايىزعا ءوستى، ال S P 500 جانە Nasdaq يندەكسى سايكەسىنشە 3,3 پايىزعا جانە 4,4 پايىزعا كوتەرىلدى.
ينۆەستورلار دەمالىس كۇندەرى ا ق ش پەن قىتاي شەنەۋنىكتەرى اراسىنداعى كەلىسسوز قورىتىندىسىن تاعاتسىزدانا كۇتكەندىكتەن، اكسيالار وتكەن اپتانىڭ سوڭىندا توسۋ كۇيىندە بولدى.
دۇيسەنبىدە الەمدەگى ەڭ ءىرى تەحنولوگيالىق كومپانيالاردىڭ اكسيالارى بارلىق باعىت بويىنشا كۇرت ءوستى. تىزىمدە ەڭ ءبىرىنشى شامامەن 8 پايىزوسىممەن Amazon جانە Meta تۇر. Apple مەن Tesla اكسيالارى 6 پايىزدان استام ءوستى، ال چيپ ءوندىرۋشى Nvidia جانە Broadcom اكسيالارىنىڭ باعاسى سايكەسىنشە 5,5 پايىزجانە 6,5 پايىزعا ءوستى. Alphabet اكسيالارى 3 پايىزدان استام، ال Microsoft 2 پايىزعا جۋىق ءوستى.
Marvell Technology جانە Micron اكسيالارى شامامەن 8 پايىزءوستى، ال ON Semiconductor جانە Microchip Technology سايكەسىنشە 9 پايىزجانە 10 پايىز ءوستى. VanEck Semiconductor ETF كۇندى 6 پايىزدان استام وسىممەن اياقتادى.
Nike اكسيالارىنىڭ باعاسى 7 پايىزدان استام، ال جەتكىزۋ كومپانيالارى United Parcel Services جانە FedEx سايكەسىنشە 6 پايىز جانە 7 پايىزعا جۋىق ءوستى.
قىتايلىق Alibaba ەلەكتروندىق كوممەرتسيا كومپانياسىنىڭ اكتسيالارى شامامەن 6 پايىزعا، Carnival كرۋيزدىك جەلى وپەراتورى 10 پايىزعا، Lululemon 9 پايىزعا جانە Best Buy ەلەكترونيكا ساتۋشىسى 6,5 پايىزعا قىمباتتادى. Shopify ەلەكتروندىق كوممەرتسيا پلاتفورماسىنىڭ اكسيالارى 14 پايىز ءوستى.
الەمدەگى ەڭ ءىرى التىن ءوندىرۋشى Newmont Mining كومپانياسىنىڭ اكسيالارى قىمبات مەتال باعاسىنىڭ تومەندەۋىنە بايلانىستى 6 پايىزعا ارزاندادى. ءبىر اپتا بۇرىن ءبىر ۋنتسيا ءۇشىن شامامەن 3500 دوللارعا ساۋدالانعان التىن فيۋچەرستەرى دۇيسەنبىدە 3,1 پايىزعا، 3240 دوللارعا دەيىن ارزاندادى.
ا ق ش- تىڭ West Texas Intermediate ماركالى مۇناي فيۋچەرستەرى 1,5 پايىزعا ءوسىپ، 62,05 دوللاردى قۇرادى.
بيتكوين 102500 دوللارعا ساۋدالانىپ، تۇندەگى 105700 دوللار ماكسيمۋمنان تومەندەگەن. وتكەن اپتادا سيفرلىق ۆاليۋتا باعاسى اقپان ايىنان بەرى العاش رەت 100 مىڭ دوللاردان اسىپ ءتۇستى.
وسىعان دەيىن ا ق ش پەن قىتاي شۆەيتسارياداعى كەلىسسوزدەر ناتيجەسىندە ساۋدا سوعىسى اياسىندا ءبىر-بىرىنە قارسى ەنگىزگەن ەكسپورتتىق باج سالىعىن 90 كۇنگە تومەندەتۋ تۋرالى كەلىسىمگە كەلگەنىن جازدىق.
