ا ق ش- قا سوڭعى ونجىلدىقتاعى ەڭ قاتتى بوران سوعۋى مۇمكىن
استانا. KAZINFORM - ا ق ش- تىڭ ۇلتتىق اۋا رايى قىزمەتى ەلدىڭ ورتالىق بولىگىندە باستالعان قارلى بوران الداعى كۇندەرى شىعىسقا قاراي جىلجيدى دەپ بولجاپ وتىر، دەپ حابارلايدى BBC.
بولجامعا سايكەس، ەلدە رەكوردتىق قار جاۋىپ، اۋا تەمپەراتۋراسى تومەندەيدى. ءتىپتى ميسسيسيپي مەن فلوريدا سياقتى وڭتۇستىك شتاتتاردا كۇن رايىنىڭ قاۋىپتى جاعدايى بولجانىپ وتىر. مەتەورولوگتار مۇنى پوليارلىق قۇيىنمەن بايلانىستىردى.
ورتالىق شتاتتاردا «كۇندەلىكتى قالىپتى ءومىردىڭ ايتارلىقتاي بۇزىلۋى» جانە جول قوزعالىسىنىڭ ءقاۋىپتى جاعدايلارى بولجانعان. كانزاس پەن ينديانا شتاتتارىنىڭ كەيبىر اۋداندارىندا 20 س م- گە دەيىن قار جاۋۋى مۇمكىن.
ورتا باتىستا بوران سوعادى، ال كەي شتاتتاردا كوكتايعاق بولادى. شىعىس جاعالاۋ دا قارلى كۇن رايىنا دايىندالۋ ۇستىندە.
اۋە كومپانيالارى ىقتيمال ۇزىلىستەرگە بايلانىستى رەيستەرگە تولەم الۋدى توقتاتىپ وتىر. جاۋىن-شاشىن دۇيسەنبىدە اياقتالۋى كەرەك بولعانىمەن، سەيسەنبىدەگى تومەن تەمپەراتۋرا قوسىمشا قيىندىقتار تۋدىرۋى مۇمكىن.
وسىعان دەيىن 2024-جىلى الەمدە قانداي تابيعي اپاتتار بولعانى تۋرالى جازعان ەدىك.
