ا ق ش پەن قىتاي ماۋسىمدا مەملەكەت باسشىلارىنىڭ قاتىسۋىمەن وتەتىن سامميتتى تالقىلادى
استانا. KAZINFORM - ۆاشينگتون مەن بەيجىڭ اراسىندا پرەزيدەنت دونالد ترامپ پەن قىتاي باسشىسى شي جينپيڭنىڭ قاتىسۋىمەن ماۋسىم ايىندا ا ق ش- تا ءوتۋى مۇمكىن «تۋعان كۇن سامميتىن» الدىن الا تالقىلاۋ باستالدى، دەپ حابارلايدى Investing.
ۋاقىت كەزدەيسوق تاڭدالعان جوق، ويتكەنى ەكى باسشىنىڭ دا تۋعان كۇنى ماۋسىم ايىندا بولادى. شي جينپيڭ 1953 -جىلى 15-ماۋسىمدا، ال دونالد ترامپ 1946 -جىلعى 14-ماۋسىمدا دۇنيەگە كەلگەن.
وسى كەزەڭدە ءالى ەشتەڭە راستالعان جوق، دەپ حابارلايدى Wall Street Journal. اق ءۇي دە، ا ق ش-تاعى قىتاي ەلشىلىگى دە جاعدايعا قاتىستى پىكىر بىلدىرگەن جوق.
ەكونوميكالىق قىسىمنىڭ كۇشەيۋىنە بايلانىستى تاراپتار تاريفتەردىڭ ودان ءارى كوتەرىلۋىنە جول بەرمەۋ نەمەسە كەم دەگەندە باجدى ارتتىرۋدى كەشىكتىرۋ ءۇشىن كەلىسسوزدەر جۇرگىزۋگە ۇمتىلىپ جاتىر.
بۇعان دەيىن دونالد ترامپ قىتاي تاۋارلارىنا باج سالىعىن 20 پايىزعا دەيىن كوتەرگەنىن جازعان بولاتىنبىز.
وتكەن اپتادا ترامپتىڭ كانادادان، مەكسيكادان، قىتايدان يمپورتتالاتىن جاڭا تاريفتەرى كۇشىنە ەندى.
قىتاي سىرتقى ىستەر ءمينيسترى ا ق ش-تى تاريفتەر مەن ساۋدا سوعىسى ساياساتىن قايتا قاراۋعا شاقىردى.
