ا ق ش پەن ۇلى بريتانيا حۋسيتتەرگە اۋىر سوققى جاسادى
ا ق ش پەن ۇلى بريتانيا قارۋلى كۇشتەرى يەمەندەگى حۋسيتتەردىڭ نىساندارىنا ءبىرقاتار شابۋىلدار جاسادى. بۇل تۋرالى ت ا س س «Al Masirah» تەلەارناسىنا سىلتەمە جاساپ حابارلادى.
قىزىل تەڭىز جاعالاۋىندا ورنالاسقان حودەيدا پروۆينتسياسىنداعى «راس-يسا» پورتى اۋماعىنا كەمىندە ءۇش اۋە شابۋىلى جاسالعانى اتاپ ءوتىلدى. ازىرگە زارداپ شەككەندەر تۋرالى اقپارات جوق.
سونداي-اق، «انسار اللا» قوزعالىسى گازا سەكتورىنداعى قاقتىعىسقا بايلانىستى يزرايل اۋماعىنا شابۋىلدار جاسايتىنىن جانە ونىمەن بايلانىستى كەمەلەردىڭ قىزىل تەڭىز بەن باب ءال-ماندەب بۇعازى ارقىلى وتۋىنە جول بەرمەيتىنىن مالىمدەدى.
ا ق ش شەنەۋنىكتەرى قىزىل تەڭىزدە ءجۇزۋ ەركىندىگىن قامتاماسىز ەتۋ جانە كەمەلەردى قورعاۋ ءۇشىن حالىقارالىق كواليتسيا قۇرۋ جانە Prosperity Guardian وپەراتسياسىنا دايىندىق تۋرالى حابارلادى.
اقپارات ءۇشىن، وتكەن جىلدىڭ قاراشا ايىنىڭ ورتاسىنان بەرى حۋسيتتەر قىزىل تەڭىز بەن ادەن شىعاناعىندا يزرايلگە قاراستى ونداعان كەمەلەرگە شابۋىل جاسادى.
اۆتورجاراسقان نۇرىبايەۆ
