ا ق ش پەن كولۋمبيا ميگرانتتارعا قاتىستى كەلىسىمگە كەلدى

استانا. KAZINFORM - يمميگراتسيا مەن باج سالىعى بويىنشا كەلىسىمگە كەلگەن تاراپتار تاريفتەردى ەنگىزۋ تۋرالى ءوزارا قوقان-لوققىنى توقتاتتى، دەپ حابارلايدى Kazinform مەنشىكتى ءتىلشىسى.

США и Колумбия достигли соглашения по мигрантам
Фото: Gustavo Petro / Facebook

- كولۋمبيا ۇكىمەتى پرەزيدەنت دونالد ترامپتىڭ بارلىق شارتىمەن، سونىڭ ىشىندە كولۋمبيادان قۇراما شتاتتارعا قايتارىلاتىن بارلىق زاڭسىز يمميگرانتتاردى امەريكالىق اسكەري ۇشاقتارىمەن شەكتەۋسىز نەمەسە كىدىرىسسىز قابىلداۋعا كەلىستى، - دەپ مالىمدەدى اق ءۇيدىڭ باسپا ءسوز حاتشىسى كارولين ليۆيتت The Hill سۇرانىسىنا جاۋاپ رەتىندە.

كولۋمبيا كەلىسىمدى بۇزباسا، ا ق ش- تىڭ تاريفتەرى مەن سانكسيالارى كەيىنگە قالدىرىلادى جانە وعان قول قويىلمايدى. مەملەكەتتىك دەپارتامەنت ەنگىزگەن ۆيزالىق سانكسيالار جانە كەدەن مەن شەكارانى قورعاۋ قىزمەتىنىڭ كۇشەيتىلگەن تەكسەرۋلەرى دەپورتاتسيالانعان كولۋمبيالىقتاردىڭ ءبىرىنشى ۇشاعى كولۋمبياعا ءساتتى جەتكىزىلگەنشە كۇشىندە قالادى.

جەكسەنبى كۇنى كولۋمبيا پرەزيدەنتى گۋستاۆو پەترو پرەزيدەنت دونالد ترامپتىڭ تاريفتەرى مەن سانكسيالارىنا جاۋاپ رەتىندە قۇراما شتاتتاردان كەلەتىن تاۋارلارعا يمپورتتىق باج سالىعىن 25 پايىزعا ارتتىرۋدى بۇيىردى.

- كولۋمبيانىڭ سىرتقى ساۋدا مينيسترىنە ا ق ش تاۋارلارىنا يمپورتتىق باج سالىعىن كوتەرۋ جانە كولۋمبيا ەكسپورتىن ا ق ش- تان باسقا ەلدەرگە كەڭەيتۋگە كومەكتەسۋ تاپسىرىلدى. باعاسى كوتەرىلەتىن امەريكالىق ونىمدەردى وزىمىزدە وندىرىلگەن ونىمدەر الماستىرۋ كەرەك جانە ۇكىمەت بۇل تۇرعىدا كومەك كورسەتەدى، - دەلىنگەن كولۋمبيا پرەزيدەنتىنىڭ مالىمدەمەسىندە.

بۇل پرەزيدەنت ترامپتىڭ كولۋمبياعا قارسى ا ق ش- قا كىرەتىن بارلىق تاۋارعا %25 باج سالىعىن ەنگىزۋ، سونداي-اق وڭتۇستىك امەريكا ەلى ميگرانتتاردىڭ ەكى ۇشاعىن قابىلداۋدان باس تارتقاننان كەيىن ۇكىمەت شەنەۋنىكتەرىنىڭ ساپارعا شىعۋىنا تىيىم سالۋ جانە ۆيزانى الىپ تاستاۋ تۋرالى شارالارىنا جاۋاپ بولدى.

ەسكە سالساق، بۇدان بۇرىن ترامپ ميگرانتتاردى قابىلداۋدان باس تارتقان كولۋمبياعا سانكسيا سالعانىن جازدىق.

سوڭعى جاڭالىقتار