ا ق ش مەملەكەتتىك حاتشىسى يزرايلدە كەلىسسوز جۇرگىزىپ جاتىر
ەنتوني بلينكەن يوردانيا، قاتار مەن ساۋد ارابياسىنداعى كەلىسسوزدەردەن كەيىن اراب كوشباسشىلارىنىڭ گازا سەكتورىن قالپىنا كەلتىرۋ جانە ۇزاقمەرزىمدى بەيبىتشىلىك ورناتۋ تۋرالى ۇسىنىسىمەن تەل- اۆيۆكە كەلدى. Kazinform بۇل تۋرالى Euronews-كە سىلتەمە جاساپ حابارلايدى.
ا ق ش پەن تاياۋ شىعىس ەلدەرى ءيزرايلدى گازا سەكتورىنداعى سوعىس قيمىلدارىنىڭ قارقىنىن باسەڭدەتۋگە شاقىردى. ا ق ش مەملەكەتتىك حاتشىسى ەنتوني بلينكەن يوردانيا، قاتار مەن ساۋد ارابياسىنداعى كەلىسسوزدەردەن كەيىن اراب كوشباسشىلارىنىڭ گازا سەكتورىن قالپىنا كەلتىرۋ جانە ۇزاقمەرزىمدى بەيبىتشىلىك ورناتۋ ۇسىنىسىمەن تەل-اۆيۆكە كەلدى.
ب ۇ ۇ باس حاتشىسى انتونيۋ گۋتتەريش نيۋ-يوركتە گازا سەكتورىن قايتا قۇرۋ ماسەلەسى بويىنشا ب ۇ ۇ اعا ۇيلەستىرۋشىسى سيگريد كاگپەن كەزدەسۋ وتكىزدى. كاگ بۇل قىزمەتكە جەلتوقساننىڭ سوڭىندا تاعايىندالدى. ول پالەستينالىق انكلاۆقا گۋمانيتارلىق كومەك جەتكىزۋگە جاردەم ەتەدى.
يۋنيسەف حابارلاۋىنشا، گازا سەكتورىنداعى ميلليونداعان بالانىڭ ومىرىنە اشتىق پەن اۋرۋ قاۋپى ءتونىپ تۇر. بالالار ءولىمى قاۋپى ارتىپ جاتىر. 155 مىڭ جۇكتى ايەل دە قيىن جاعدايدا قالدى.
«ءبىز جوسپارلى ەكپە جاساۋ ءۇشىن 600000 ۆاكسينا الدىق. ول بالالاردىڭ ءومىرى مەن اماندىعى ءۇشىن اسا ماڭىزدى. بومبالاۋدان امان قالعان بالالار ەكپە الماعاننان قايتىس بولعانىن قالامايمىز،- دەدى يۋنيسەف وكىلى ماۋليد ۆارفا.
ءيزرايلدىڭ گازا سەكتورىنا سوققىلارى سالدارىنان 7-قازاننان بەرى 20258 ادام مەرت بولدى، تاعى 53688 ءى جاراقات العانىن جازعان ەدىك.
