ا ق ش مەملەكەتتىك حاتشىسى رۋبيو يزرايلدە قاتارعا جاسالعان سوققىلاردى ايىپتادى

استانا. KAZINFORM - ا ق ش مەملەكەتتىك حاتشىسى ماركو رۋبيو جەكسەنبى كۇنى يزرايلگە ەكى كۇندىك ساپارمەن بارىپ، گازاداعى قاقتىعىستىڭ بولاشاعى مەن تۇتقىنداردى بوساتۋ ماسەلەسىن تالقىلاماق، دەپ حابارلايدى BBC.

رۋبيو يزرايلدىڭ قاتارداعى حاماس ليدەرلەرىنە جاساعان شابۋىلىنا تاعى دا نارازىلىق ءبىلدىردى، ءبىراق بۇل وقيعا ەكى ەل اراسىنداعى قارىم-قاتىناستارعا زيانىن تيگىزبەيتىنىن، ولاردىڭ ىنتىماقتاستىعى ءالى دە بەرىك ەكەنىن ايتتى.

دۇيسەنبى كۇنى قاتاردا اراب- يسلام ەلدەرىنىڭ شۇعىل سامميتى ءوتىپ، الداعى ارەكەتتەر تالقىلانادى.

رۋبيو ا ق ش پرەزيدەنتى دونالد ترامپتىڭ بارلىق يزرايلدىك تۇتقىنداردىڭ ءبىر مەزگىلدە بوساتىلىپ، حاماس تولىق جويىلۋى كەرەك دەگەن تالابىن جەتكىزدى.

مەملەكەتتىك حاتشىنىڭ ايتۋىنشا، ۆاشينگتون حاماس توبى ۇستاپ وتىرعان 48 تۇتقىندى بوساتۋدى، ولاردىڭ 20 سى ءالى ءتىرى بولۋى مۇمكىن ەكەنىن جانە گازانى قالپىنا كەلتىرۋ جولدارىن تالقىلاعىسى كەلەدى.

- بولار ءىس بولدى. ءبىز يزرايل باسشىلىعىمەن كەزدەسىپ، بولاشاققا قاتىستى سويلەسەمىز، - دەدى رۋبيو ساپار الدىندا.

ول يزرايلدىڭ گازا قالاسىنا شابۋىلدى قايتا باستاعانىنا قاتىستى پىكىر بىلدىرۋدەن باس تارتتى.

سونداي-اق رۋبيو يزرايل پرەمەر-ءمينيسترى بەنيامين نەتانياحۋ جانە ا ق ش-تىڭ يزرايلدەگى ەلشىسى مايك حاكابيمەن بىرگە ارنايى ستەللاعا باردى.

ەسكە سالا كەتەيىك، 9-قىركۇيەكتە يزرايل قاتار استاناسى دوحاعا اۋە سوققىلارىن جاساپ، سوققى نىساناسى حاماس توبىنىڭ ساياسي بيۋروسىنىڭ مۇشەلەرى بولعانىن مالىمدەدى. بۇل سوققىلار سالدارىنان 6 ادام قازا تاپتى. ولاردىڭ اراسىندا توپتىڭ باس كەلىسسوز جۇرگىزۋشىسى حاليل ءال-حايانىڭ ۇلى جانە قاتار ءى ءى م قىزمەتكەرى بار.

قاسىم-جومارت توقايەۆ يزرايل بيلىگىنىڭ دوحاداعى اسكەري ارەكەتىن ايىپتادى.يزرايلدى تاياۋ شىعىستاعى بىرنەشە مەملەكەت تە ايىپتادى، ال يوردانيا كورولى يزرايل سوققىلارىنا قارسى حالىقارالىق موبيليزاتسياعا شاقىردى.