ا ق ش مەملەكەتتىك حاتشىسى پاناماعا ساپارلايدى

استانا. KAZINFORM — مەملەكەتتىك حاتشى ماركو رۋبيو كەلەسى اپتادا پاناماعا بارادى. بۇل تۋرالى Kazinform اگەنتتىگىنىڭ مەنشىكتى ءتىلشىسى حابارلايدى.

АҚШ Мемлекеттік хатшысы Панамаға сапарлайды
Фото: Видеодан алынған скрин

ا ق ش سىرتقى ساياسي ۆەدومستۆوسىنىڭ باسشىسى سونداي-اق گۆاتەمالا، سالۆادور، كوستا-ريكا جانە دومينيكان رەسپۋبليكاسىنا بارۋدى كوزدەپ وتىر.

پاناماعا بارعان العاشقى ساپارى كەزىندە رۋبيو ا ق ش سىرتقى ساياساتىنىڭ ورتالىعىندا كەم دەگەندە ەكى ماسەلەنى تالقىلاماق: زاڭسىز يمميگراتسيانى ازايتۋ جانە دونالد ترامپتىڭ پاناما كانالىن قايتارۋعا دەگەن ۇمتىلىسى، دەپ جازدى Politico.

بۇدان بۇرىن حابارلانعانداي، پاناما باسشىلىعى ب ۇ ۇ باس حاتشىسى انتونيۋ گۋتەرريشكە حات جولداپ، وندا ا ق ش پرەزيدەنتى دونالد ترامپتىڭ پاناما كانالىنىڭ كىمگە تيەسىلى ماسەلەسى جانە ونى قۇراما شتاتتار باقىلاۋىنا قايتارۋ نيەتىنە قاتىستى مالىمدەمەلەرىن قابىلدامايتىنىن ءبىلدىردى.

— ءبىزدىڭ كانالىمىزدىڭ ەگەمەندىگى كەلىسسوزدەرگە جاتپايدى جانە ول — ءبىزدىڭ كۇرەس تاريحىمىزدىڭ ءبىر بولىگى، — دەدى سىرتقى ىستەر ءمينيسترى حاۆەر مارتينەس-اچا.

ول پرەزيدەنت حوسە راۋل مۋلينو ءوز ۇستانىمىن انىق بىلدىرگەنىن قوسىپ ءوتتى. رۋبيو بارۋدى جوسپارلاپ وتىرعان باسقا ەلدەر، سونىڭ ىشىندە گۆاتەمالا مەن سالۆادور دا ا ق ش- تىڭ وڭتۇستىك شەكاراسىنا جەتۋگە تىرىساتىن ميگرانتتار ءۇشىن نەگىزگى ترانزيتتىك پۋنكت بولدى.

سوڭعى جاڭالىقتار