ا ق ش مەملەكەتتىك حاتشىسى پاكىستانعا ۇندىستانمەن كەلىسسوزدەر ۇيىمداستىرۋعا كومەكتەسۋدى ۇسىندى
استانا. KAZINFORM – ا ق ش مەملەكەتتىك حاتشىسى ماركو رۋبيو پاكىستان مەن ءۇندىستاندى شيەلەنىستى باسەڭدەتۋدىڭ جولدارىن تابۋعا شاقىردى، دەپ حابارلايدى BBC اگەنتتىگى.
-ا ق ش ۋاقىتىمەن 9-مامىر، جۇما كۇنى كەشكە مەملەكەتتىك حاتشى ماركو رۋبيو پاكىستان ارمياسىنىڭ باسشىسى گەنەرال اسيم مۋنيرمەن سويلەسىپ، ەكى ەل اراسىنداعى جاعدايدى بەيبىت جولمەن رەتتەۋدىڭ ماڭىزىن اتاپ ءوتتى، - دەپ مالىمدەدى مەملەكەتتىك دەپارتامەنت وكىلى تەممي بريۋس.
رۋبيو سونىمەن قاتار، ا ق ش-تىڭ بولاشاقتا قاقتىعىستىڭ ورشۋىنە جول بەرمەۋ ءۇشىن كونسترۋكتيۆتى كەلىسسوزدەر جۇرگىزۋگە كومەكتەسۋگە دايىن ەكەنىن ءبىلدىردى.
سەنبى كۇنى تاڭەرتەڭ پاكىستان بىرنەشە ساعات بۇرىن ءوز اۋە بازالارىنا جاسالعان زىمىران شابۋىلىنا جاۋاپ رەتىندە ءۇندىستانعا قارسى اسكەري وپەراتسيا باستاعانىن جاريالادى. ال ءۇندىستان بيلىگى ەسكالاتسياعا جاۋاپ بەرۋگە دايىن ەكەنىن مالىمدەدى.
