ا ق ش مەكسيكا تاۋارلارىنا باج سالىعىن توقتاتتى
اتىراۋ. KAZINFORM - توقتاتۋ تۋرالى شەشىم ءبىر اي بويى كۇشىندە قالادى، دەپ حابارلايدى Kazinform ت ا س س اگەنتتىگىنە سىلتەمە جاساپ.

مەكسيكا پرەزيدەنتى كلاۋديا شەينباۋم ا ق ش پرەزيدەنتى دونالد ترامپپەن تەلەفون ارقىلى سويلەسكەننەن كەيىن ۆاشينگتوننىڭ مەكسيكالىق تاۋارلارعا ەنگىزگەن 25 پايىزدىق باج سالىعىن ءبىر ايعا توقتاتاتىنىن مالىمدەدى.
- بۇدان بىلاي [ا ق ش ەنگىزگەن] تاريفتەر ءبىر ايعا توقتاتىلدى، - دەپ جازدى شەينباۋم X جەلىسىندەگى پاراقشاسىندا.
شەينباۋم ا ق ش پرەزيدەنتى ترامپپەن اڭگىمەلەسۋ بارىسىندا ەكىجاقتى قارىم- قاتىناس پەن مەكسيكانىڭ ەگەمەندىگىنە ۇلكەن قۇرمەت كورسەتىلگەنىن ايتتى.
- مەكسيكا مەكسيكادان ا ق ش- قا ەسىرتكى تاسىمالىنىڭ، اسىرەسە فەنتانيلدىڭ الدىن الۋ ءۇشىن 10000 ۇلتتىق گۆارديا اسكەرىمەن سولتۇستىك شەكارانى دەرەۋ كۇشەيتەدى، - دەدى شەينباۋم.
ونىڭ سوزىنشە، امەريكا قۇراما شتاتتارى مەكسيكاعا زاڭسىز قارۋ- جاراق جونەلتىلۋىنە جول بەرمەۋگە تىرىسادى.
- بۇگىننەن باستاپ ءبىزدىڭ كوماندالار ەكى باعىتتا جۇمىس ىستەي باستايدى: قاۋىپسىزدىك جانە ساۋدا، - دەدى مەكسيكا پرەزيدەنتى.
ەسكە سالا كەتەيىك، بۇعان دەيىن يوردانيا كورولى ابداللا II كەلەسى اپتادا اق ۇيدە ترامپپەن كەزدەسەتىنىن حابارلاعان ەدىك.