ا ق ش ەلشىلىگى قازاقستاننىڭ زاماناۋي ينستيتۋتتارىن نىعايتۋعا ۇلەس قوسىپ كەلەدى - دجۋدي كۋو
استانا. KAZINFORM – ا ق ش ەلشىلىگىنىڭ قولداۋىمەن ءوتىپ جاتقان قازاق تىلىندە ونلاين-كونتەنت جاساۋشىلاردىڭ VII فورۋمىندا ا ق ش- تىڭ ۋاقىتشا سەنىمدى وكىلى دجۋدي كۋو قازاقستان وزىق تەحنولوگيا كوشىن باستاپ كەلە جاتقان ەلدەردىڭ قاتارىندا ەكەنىن اتاپ ءوتتى.
«ا ق ش ەلشىلىگى قازاقستاننىڭ جاس مەملەكەت رەتىندە دامۋىنا قولداۋ كورسەتىپ، زاماناۋي ينستيتۋتتارىن نىعايتۋعا ۇلەس قوسىپ كەلەدى. قالا بەردى، جاڭا ەكونوميكالىق مۇمكىندىكتەردى اشۋ باعىتىندا قازاقستان ۇكىمەتى، ازاماتتىق قوعامى جانە جەكە سەكتورداعى ارىپتەستەرىمىزبەن 30 جىلدان استام ۋاقىت بويى باياندى بايلانىس ورناتىلعان. ءبىز قازاقستاننىڭ جاس مەملەكەت رەتىندە وركەندەۋى ءۇشىن ءوزىنىڭ باي مۇراسىنىڭ تىلدىك جانە مادەني داستۇرلەرىن قابىلداپ، قۇندىلىقتاردىڭ ХХІ عاسىرداعى وركەنيەتپەن ۇيلەسىم تاباتىنىنا سەنىمدىمىز. بۇگىندە دەموكراتياسى ارتقان قازاقستان ورتالىق ازيانىڭ كۇشتى دەرجاۆاسىنا اينالىپ، بەيبىتشىلىككە جول باستايدى»، - دەدى دجۋدي كۋو.
قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەركىن تۇقىموۆ جاساندى ينتەللەكت پەن جاڭا تەحنولوگيالاردىڭ دامۋى قازاقستاندىقتاردىڭ ومىرىنە قالاي اسەر ەتەتىنىن ايتىپ بەردى.
«ءبىراز ۋاقىت بۇرىن سمارتفونداردىڭ ءومىرىمىزدىڭ اجىراماس بولىگىنە اينالاتىنىن بىلدىك پە؟ جاساندى ينتەللەكت تە ءدال سولاي بىرتىندەپ تۇرمىسىمىزعا ەنىپ كەلەدى. ءتىپتى، شىنايى ءومىر مەن ۆيرتۋالدى الەمنىڭ ارا-جىگىن اجىراتۋ قيىنعا سوعۋدا. جاساندى ينتەلدەكتەن تۋىندايتىن قاۋىپ-قاتەردى ۇمىتپاعان ءجون. الداعى ۋاقىتتا جي اداممەن ساناسپاي، ءوزى شەشىم قابىلدايتىن دەڭگەيگە جەتۋى مۇمكىن. ءبىز بۇعان دايىن بولۋىمىز كەرەك»، - دەدى ول.
بەلگىلى بولعانداي، الەمدە جاساندى ينتەللەكتتىڭ قاتىسۋىمەن 4 تريلليون ا ق ش دوللارىنا باعالاناتىن تاۋارلار وندىرىلەدى ەكەن. ال، 2030 -جىلعا قاراي بارلىق كورسەتىلەتىن قىزمەتتەردىڭ 70 پايىزى ج ي ارقىلى رەتتەلەدى دەگەن بولجام بار.
