ا ق ش ەلگە كوشكىسى كەلەتىندەرگە «التىن كارتالاردى» ۇسىنادى
استانا. KAZINFORM - ا ق ش باي شەتەلدىكتەرگە ا ق ش- تا تۇرۋعا جانە جۇمىس ىستەۋگە قۇقىق بەرەتىن جانە ەل ازاماتتىعىن الۋعا جول اشاتىن «التىن كارتالاردى» ساتادى، دەپ حابارلايدى DW اقپارات اگەنتتىگى.
ا ق ش پرەزيدەنتى دونالد ترامپ سوپاق كابينەتتە تىلشىلەر الدىندا سويلەگەن سوزىندە «التىن كارتانىڭ» قۇنى شامامەن 5 ميلليون ا ق ش دوللارى تۇراتىنىن اتاپ ءوتتى.
- ءبىز التىن كارتانى ساتپاقپىز. سىزدە جاسىل كارتا بار. ال بۇل - التىن كارتا. ءبىز بۇل كارتانى شامامەن 5 ميلليون دوللارعا باعالايمىز جانە ول سىزگە جاسىل كارتانىڭ ارتىقشىلىقتارىن بەرەدى، سونىمەن قاتار ول ازاماتتىق الۋعا جول سالادى. داۋلەتتى ادامدار وسى كارتانى ساتىپ الىپ، ەلىمىزگە كەلەدى، - دەدى دونالد ترامپ.
ا ق ش- تىڭ ساۋدا ءمينيسترى حوۆارد ليۋتنيكتىڭ تۇسىندىرۋىنشە، التىن كارتا ۇكىمەتتىڭ EB-5 يمميگراتسيالىق ۆيزا باعدارلاماسىن الماستىرادى. ترامپتىڭ ايتۋىنشا، التىن كارتالاردى ساتۋ ەكى اپتادان كەيىن باستالۋى مۇمكىن. ول ميلليونداعان كارتا ساتىلاتىنىن شامالاپ وتىر.
- قۇقىقتىق تۇرعىدان العاندا، بۇل زاڭدى، - دەدى ا ق ش پرەزيدەنتى.
بۇعان دەيىن ا ق ش كونگرەسى زاڭسىز يمميگرانتتاردى قاماۋعا الۋ تۋرالى زاڭ قابىلدادى.
ەسكە سالا كەتسەك، دونالد ترامپ وكىلەتتىگىنىڭ ءۇشىنشى كۇنىندە ا ق ش- تىڭ وڭتۇستىك شەكاراسىن زاڭسىز يمميگرانتتار ءۇشىن جاۋىپ، ولاردى دەپورتاتسيالاۋدى ۇلعايتۋعا باعىتتالعان جارلىقتارعا قول قويدى.
