ا ق ش كونگرەسىنىڭ وكىلدەر پالاتاسىنىڭ زاڭ شىعارۋشىلارى تۇركيانىڭ مارتەبەسىن وزگەرتۋگە ۇمتىلۋدا
استانا. KAZINFORM - ا ق ش وكىلدەر پالاتاسىنا ەنگىزىلگەن جاڭا زاڭ جوباسىندا كونگرەسسمەندەر مەملەكەتتىك دەپارتامەنتتەن تۇركيانىڭ ساناتىن وزگەرتىپ، ونى ەۋروپا جانە ەۋرازيا ىستەرى بيۋروسىنان تاياۋ شىعىس ىستەرى بيۋروسىنا اۋىستىرۋدى سۇرايدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
بۇگىندە ا ق ش مەملەكەتتىك دەپارتامەنتى تۇركيانى «ەۋروپالىق ەل» رەتىندە جىكتەيدى. ەگەر زاڭ جوباسى قابىلدانسا، ول يران، سيريا جانە ليۆيامەن ءبىر ديپلوماتيالىق ساناتقا كوشىرىلەدى.
اتاپ ايتقاندا، زاڭ جوباسى مەملەكەتتىك دەپارتامەنتتەن 90 كۇن ىشىندە تۇركيانىڭ ديپلوماتيالىق مارتەبەسىن قايتا قاراۋدى جانە ونىڭ ەۋروپادان شىعارىلۋىنىڭ سالدارىن باعالاۋدى تالاپ ەتەدى.
تۇركيا ۇكىمەتى كونگرەسس مۇشەلەرىنىڭ ەلدىڭ سىرتقى ساياساتى مەن ەۋروپالىق باعىتىن سيپاتتاۋىنا كەلىسپەيتىنىن ءبىلدىردى، دەپ حابارلايدى FOX News.
- تۇركيانىڭ ەۋروپالىق سايكەستىگى - داۋسىز تاريحي جانە گەوستراتەگيالىق فاكت. ناتو- نىڭ، ەۋروپا كەڭەسىنىڭ، ە ق ى ۇ- نىڭ بەلسەندى مۇشەسى جانە ە و- نىڭ اسسوتسياتسيالانعان مۇشەسى رەتىندە تۇركيا ەۋروپالىق ينستيتۋتتىق قۇرىلىمداردىڭ جانە ولار بىلدىرەتىن امبەباپ قۇندىلىقتاردىڭ اجىراماس بولىگى، - دەدى ۆاشينگتونداعى تۇركيا ەلشىلىگىنىڭ وكىلى.
ايتا كەتەلىك تۇركيا حالقىنىڭ %30 دان استامى ەسكى ۇيلەردە تۇراتىنى تۋرالى جازعان ەدىك.
