ا ق ش كونگرەسمەندەرى قازاقستان تۋرالى كىتاپتار وقىدى
ۆاشينگتوندا قازاقستان رەسپۋبليكاسىنىڭ ا ق ش- تاعى ەلشىلىگىنىڭ كونگرەسس كىتاپحاناسىنىڭ قورىنا قازاقستان ادەبيەتى مەن مادەنيەتى تۋرالى كىتاپتاردى سالتاناتتى تۇردە تابىس ەتۋ شاراسى ءوتتى، دەپ حابارلايدى Kazinform اگەنتتىگىنىڭ ءتىلشىسى.
كىتاپتار امەريكانىڭ ەڭ كونە زەرتتەۋ كىتاپحاناسىنىڭ قورىنا بەرىلدى. ولار امەريكالىق وقىرمانداردىڭ قازاقستان تۋرالى ءبىلىمىن كەڭەيتىپ، بولاشاق ۇرپاق ءۇشىن مادەني ىنتىماقتاستىقتىڭ كوپىرى بولۋى ءتيىس.
ءبىرىنشى كىتاپ - «اباي ارمانى» ۇلتتىق مادەنيەت پەن ادەبيەتتە ماڭىزدى ورنى بار قازاقتىڭ ۇلى اقىنى، ويشىل جانە فيلوسوفى تۋرالى باياندايدى.
«شوقان ءۋاليحانوۆتىڭ تاڭدامالى شىعارمالارى» - كىتاپتا كورنەكتى قازاق ەتنوگرافىنىڭ قازاقستان تاريحى مەن مادەنيەتىنە قوسقان ۇلەسى كورسەتىلگەن، ونى شەتەلدىك اۆتورلار ن. فيلدينگ پەن دوكتور ا. تەيت جازعان.
«قازىرگى قازاق ادەبيەتى» قازاق مادەنيەتى مەن دۇنيەتانىمىنىڭ پروزاسىن قامتيدى.
«اسى ءۇستىرتى» امەريكالىق وقىرمانداردى الماتىنىڭ شىعىسىنداعى اسەم تابيعات پەيزاجدارىمەن تانىستىرادى.
قازاقستان رەسپۋبليكاسىنىڭ ا ق ش- تاعى ەلشىلىگى وكىلدەرىنىڭ اتاپ وتۋىنشە، قازاقستان مەن قۇراما شتاتتار اراسىنداعى ەكىجاقتى قارىم-قاتىناس قارقىندى دامىپ كەلە جاتقانىن جانە مادەني ىنتىماقتاستىق سەرىكتەستىكتى ودان ءارى نىعايتۋعا سەرپىن بولا الادى.
كونگرەسس كىتاپحاناسىنىڭ وكىلى حيراد ديناۆاري ورتالىق ازيا تۋرالى كاتالوگتاردى تولىقتىراتىن قازاقستان جايلى تاماشا كىتاپتار ءۇشىن العىسىن ءبىلدىردى.
ونىڭ اتاپ وتۋىنشە، كىتاپحانادا اراب تىلىندە قازاقستان تۋرالى العاشقى ماتەريالدار جيناقتارى بار. اراب قارپىمەن جازىلعان قازاق تىلىندە ەل تۋرالى جيناقتار دا بار. ءبىزدىڭ مەملەكەتىمىز تۋرالى ورىس تىلىندە كىتاپتار، اعىلشىن تىلىندە جەكەلەگەن انىقتامالىقتار بار.
سىيعا بەرىلگەن قازاقستان تۋرالى اعىلشىن تىلىندەگى كىتاپتار - ۇلكەن سىيلىق، ويتكەنى امەريكالىق وقىرمانداردىڭ كوپشىلىگى شەت تىلدەرىندەگى ادەبيەتتى وقىمايدى.
سالتاناتتى شاراعا دجوردج ۆاشينگتون ۋنيۆەرسيتەتىندە تاعىلىمدامادان ءوتىپ جاتقان جانە كونگرەسس كىتاپحاناسىندا ورتالىق ازيا بويىنشا عىلىمي جۇمىستارمەن اينالىسىپ جۇرگەن «بولاشاق» باعدارلاماسىنىڭ «500 عالىم» جوباسىنىڭ ستيپەندياتتارى قاتىستى.
ل. ن. گۋميليەۆ اتىنداعى تۇركىتانۋ كافەدراسىنىڭ پروفەسسورى اجار شالداربەكوۆانىڭ اتاپ وتۋىنشە، وسىنداي كەزدەسۋلەر قازاقستان مەن قۇراما شتاتتار اراسىنداعى ديپلوماتيالىق مادەني قاتىناستى نىعايتۋ ءۇشىن وتە ماڭىزدى.
قازاقستان رەسپۋبليكاسىنىڭ ا ق ش- تاعى ەلشىلىگىنىڭ كونگرەسس كىتاپحاناسىنىڭ قورىنا قازاقستان تاريحى مەن مادەنيەتى تۋرالى قىزىقتى ءارى ماڭىزدى عىلىمي ەڭبەكتەردى تابىستاۋ شاراسىنىڭ ماڭىزى زور.
«قازىرگى ۋاقىتتا قازاقستان الەمدىك ارەنادا ءوز پوزيتسيالارىن كۇشەيتىپ، مادەني بايلانىستارىن كەڭەيتىپ وتىر. ەندى امەريكاندىق وقىرماندار قازاقستان تۋرالى اقپاراتتى اعىلشىن تىلىندە وقي الادى. مۇنداي شارالار جالعاسىن تاۋىپ، داستۇرگە اينالۋى ءتيىس دەپ ويلايمىن»، - دەدى ا. شالداربەكوۆا.
